گۆڵكاری مێژوویی لیڤەرپول ھۆشداری دەداتە محەمەد سەڵاح

sharpress.net

218 جار خوێندراوه‌ته‌وه

31/03/2019‌

شارپرێس:
كاتێك باسی گۆڵ تۆماركردن دەكەین ، ھیچ كەسێك لە (ئیان ڕاش)ی وێڵزی و گۆڵكارە مێژوییەكەی یانەی لیڤەرپولی ئینگلیزی چاكتر ڕێگای گۆڵ تۆماركردن نازانێت، كە ٣٤٦ گۆڵی لەگەڵ لیڤەرپول تۆماردكردووە و ئەوەش ژمارەیەكی پێوانەییە و تا ئێستا ھیچ یارێزانێك نەیتوانیووە ئەو ژمارەیە بشكێنێت.

پارساڵ محەمەد سەڵاح ی میسری كە توانی ٤٤ گۆڵ تۆماربكات لە ٥٢ یاریدا كە بەشداری تێداكردبوو ، بەوەش خۆی نزیككردەوە لە ژمارەی پێوانەیی گۆڵتۆماركرد لە وەرزێكدا كە ٤٧ گۆڵەو بەناوی (ئیان ڕاش ) ەوە نوسراوە.

بەڵام لەم وەرزەی خولی ئینگلیزی بارودۆخەكە بەتەواوی گۆڕاوە بۆ گۆڵكاری خولی ئینگلیزی و باشترین یاریزانی ئەفریقا، چونكە تاوەكو ئێستا تەنھا ١٧ گۆڵی تۆماركردووە و حەوت یارییە لەسەریەك ناتوانێت گۆڵ تۆماربكاب، ئەوەش درێژترین ماوەیە بۆ " فیرعەونە گچكەكە" كە نەیتوانیووە گۆڵ تۆماربكات .

لەگەڵ نزیكبوون یەكلاببوونەوەی خولی ئینگلیزی ، (ئیان ڕاش ) پەیامێكی ئاڕاستەی سەڵاح كرد ، دەڵێت :(بە كات و بارودۆخی لەو شێوەیەدا تێپەڕیوم، ھەموومان پێیدا تێپەڕیوین . تۆش بەو بارۆدۆخەدا تێدەپەڕی بەڵام گرنگترین شت ئەوە پارێزگاری لە متمانەبەخۆبوونت بكەی) .

ڕاش ھۆشداری دایە سەڵاح لە لەدەستدانی متمانە و گووتی : لە لە دەستدانی ئەو دەرفەتانەی بۆت دەڕەخسێن گۆڵ بكەی مەترسە ، كاتێك لەو بارۆدۆخەدا ھەست بەترس بكەی ، ئالێرەدا گۆڵ تۆمار نەكردنەكەت دەبێت كێشە.

ھەروەھا وتیشی :كاتێك دەرفەتێكت بۆدەڕەخسێت و لەدەستی دەدەی ھیچ كێشە نیە ، دیتمان كە سەڵاح پارساڵ و سەرەتای ئەم وەرزە چی كرد. لەگەڵ بەردەوامی دەستخستنی دەرفەتی زیاتر ی گۆڵكردن دوبارە متمانەبەخۆبوونت بۆدەگەڕێتەوە.

ھەروەھا ئەفسانە وێڵزییكە دەڵێت: سەڵاح پارساڵ ٤٤ گۆڵی تۆماركرد بەڵام لیڤەرپول ھیچ نازناوێكی بەدەست نەھێنا . لەم ووەزەدا ئەو ڕێژە گۆڵەی تۆمارنەكردووە ، بەڵام ئومێدیان ھەیە نازناوێك بەدەست بھێنن ، ڕێك ئەوەش لەگەڵ من ڕوویدا كاتێك نەمدەتوانی گۆڵ تۆماربكەم ( كینی دالگلیش )  یاریزانانی ھێڵی ناوەڕاست مان ھەبوو گۆڵیان تۆماردەكرد و نازناوەكانمان دەبردەوە.

ھەروەھا دەڵێت : سەڵاح بۆماوەییەكی دورودرێژ زۆر بەباشی یاریكرد ، ڕاستە لە ئێستا دا گۆڵ تۆمارناكات ، بەڵام دووبارو دەگەڕێتەوە بۆ گۆڵ تۆماركردن ، ھەروەھا شتێكی زۆر باشە كە لە ئێستا دا سادیۆ مانێ گۆڵ تۆماردە دەكات ، بێ ھیوان نیم لە سەڵاح كە گۆڵ تۆمار ناكات ، چونكە تەواوی یاریزانانی ھاوڕێی لە بارۆدۆخێك زۆر باشدان .

وەرگێران: ئاكۆ عەبدوڵڵا ئاڵی





ads

زۆرترین خوێندراوە

ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved