شارپرێس:
بەهۆی ئەو ئاگرەی لە كڵێسای دێرینی نۆتردام لە پاریسی پایتەختی فەرەنسا كەوتەوە ، كڵیساكە بوو بە یەك پارچە ئاگر و دووكەڵ ، ئەمەش وای لە ئیمانوئیڵ ماكرۆنی سەرۆكی فەرەنسا كرد كە رووداوەكە بە " كارەساتێكی هەژێنەر' وەسف بكات ، بەڵام چی شتێك وایكردووە ئەو كڵێسایە ئاوا بەناوبانگ بێت ؟
كڵێساكە بریتی بوو لە گەنجینەی تەلارسازی فەرەنسی ، یەكێك بوو لە هەرە سیمبولە دیارەكانی پاریس ، سالانە ١٢ ملیۆن گەشتیاری بۆخۆی كێش دەكرد.
رۆژی دووشەممە ئاگرێك لەو تەلارە مێژووییە كەوتەوە ، كە بووە هۆی كەوتن و تیكشكانی بورجی كڵێساكە.
لێرەدا پێنج هۆكار باس دەكەین كە وادەكات كڵێسای نۆتردام كە دەگەرێتەوە بۆ سەدەكانی ناوەراست ببێتە ئایكۆنەیەك و بەناوبانگ ببێت :
1. تەمەنی كڵێساكە ٨٥٠ ساڵە .
2. بنیادنانی كڵیساكە ١٨٢ ساڵی خایاندووە .
3. كڵیساكە جێگای ٦ هەزار نوێژ خوێنی تێدا دەبێتەوە .
4. هنری شەشەم پادشای ئینگلیز وەكو پاشای فەرەنسا لەو كڵێسایە تاجی لەسەر نراوە .
5. كلیساكە بە پەنجەرە شوشەییە گەورەكانی و تایبەتەمەندییە تەلارسازییەكانی تری ناسراوە .
وەڕگێران: ئاكۆ عەبدوڵڵا ئاڵی