خواردنی گوێز بەشێوەی رۆژانە كۆڵیتسڕۆڵی خوێن دادەبەزێنێت

sharpress.net

231 جار خوێندراوه‌ته‌وه

15/05/2019‌

شارپرێس:
گوێز بەهۆی بوونی ڕێژەیەكی زۆری ئۆمێگا 3و ئەسیدە چەورییە پێویستییەكانی تر تێیدا بۆ چالاكی و میتابولیزمی جەستە سوودبەخشە.

لێكۆڵینەوەكان دەریانخستووە، كاكڵەی گوێز بەهۆی بوونی ئەسیدە چەورییەكانی ترانس (trans fats) و ڕێژەی منیزیۆم، بە بەراورد بە هاوشێوە كاكڵەكانی تر لە ڕێكخستنی لێدانی دڵ و كاركردنی باشی دڵدا سوودبەخشە.

كاكڵی گوێز پڕ لەڤیتامینی Eیەو ئەم ڤیتامینەش لە جوانی و خاوێنی پێست و پارێزگاری لە پێست و مووی جەستەدا دەورێكی سەرەكی هەیە.

هەر بەپێی لێكۆڵینەوەكان، كەسانێك لەپاڵ ئەو خواردنانەی، كە بۆ هێنانە خوارەوەی ڕێژەی كۆڵیستڕۆڵ دەیخۆن گەر گوێزیشی لەگەڵدا بەكاربێنن، ڕێژەی كۆڵیستڕۆڵی خوێنیان دادەبەزێت و خواردنی دو تاسێ دانە گوێز لەڕۆژدا، دەتوانێت سوودێكی باشی بۆ جەستەیان هەبێت. 

لەگەڵ ئەمەشدا لێكۆڵینەوەكان دەرخەری ئەو ڕاستییەشن، گونجانی گوێز لە ژەمەكانی خواردنی ڕۆژانەدا، پارێزگاری لەسیستەمی بەرگری جەستە دەكات و ژەهرەكان لە جەستەدا دوور دەخاتەوە.

وەرگێڕان: یاسین نادر






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved