شارپرێس:
سەرۆک کۆمار پێشوازیکرد لە باڵیۆزی ئێران لە عێراق و رایگەیاند، جەخت لە پێویستی گفتوگۆیه‌کی ئیجابی کرایەوە بۆ کەمکردنەوەی گرژییەکانی ناوچەکە.
سەرۆک کۆمار بەرھەم ساڵح سەرۆک کۆمارى عێراق ئەمرۆ شەممە ٢٠١٩/٥/١٨ لە بەغدا پێشوازیکرد له ئیرەج مەسجدی باڵیۆزی ئێران لە عێراق.
لە دیدارێکدا باس لە دوا پێشھاتە سیاسییەکانی ناوچەکە کرا و ھاوکات جەخت لە پێویستی گفتوگۆیه‌کی ئیجابی کرایەوە بۆ کەمکردنەوەی گرژییەکانی ناوچەکە و بەرقەرارکردنی ئارامی و سەقامگیری بە جۆرێک کە لە بەرژەوەندی و خۆشگوزەرانی گشت گەلانی ناوچەکەدا بێت.
ئەو دیدارە هاوکاتە لەگەڵ توندبوونەوەى کێشەو ئاڵۆزییەکان لەنێوان ئەمریکاو تاران کە لەئێستادا بەهۆى هەڕەشەکانى هەردوولا لەیەکتر لەلێوارى جەنگن لەناوچەکە.
س.هـ