شارپرێس:
رۆبەرت دی نیرۆ ئەكتەری ناسراوی هۆڵیود و ستیڤن كینگ نووسەر و سیناریستی ناسراو چوونە ڕیزی ئەو ئەكتەرانەی جیهانی سینەما و میدیاكاران لە تۆمەتباركردنی دۆناڵد ترامپی سەرۆكی ئەمەریكا بەوەی ژێربەژێر دەستی لەگەڵ رووسەكان تێكەڵ كردووە.
لە ڤیدیۆیەكدا ، كە پۆرتاڵی هەواڵی NowThis بڵاوی كردۆتەوە كۆمەڵێك ناوداری سینەما بەهەموو پسپۆڕییە جیاوازەكانیانەوە دەردەكەون و دۆناڵد ترامپ تۆمەتبار دەكەن بەوەی بۆ سەركەوتن لە هەڵبژاردنەكانی سەرۆكایەتی ساڵی ٢٠١٦ ژێربەژێر لەگەڵ رووسەكان پەیوەندی هەبووە .
كەناڵی Fox Newsی ئەمەریكیش باسی لەوە كردووە كە كۆمەڵێك ناوداری سینەما هێشتا پێیان وایە كە ئەو بەڵگە و راستیانەی لەناو راپۆرتەكەی لێكۆڵەر رۆبەرت مۆلەردا هاتووە و ئەستۆپاكی ترامپی سەلماندووە ، بەڕوونی ئاماژە بۆ ئەوە دەكەن كە ترامپ لەگەڵ رووسەكان دەستی تێكەڵاوكردووە.
ئەو ناودارانە ، لەوانەش مارتن شین و رۆزی بیریز و لۆرەنس فیشبۆرن داوا دەكەن كە دۆناڵد ترامپی سەرۆكی ئەمەریكا بدرێتە دادگا .
وەرگێڕان: ئاكۆ عەبدوڵڵا ئاڵی