شارپرێس:
وه‌زاره‌تی ناوخۆی تورکیا هەشت ئه‌ندامی ئه‌نجومه‌نی شاره‌وانیی گه‌وره‌شاری وانى له کاره‌کانیان دوور خسته‌وه.
پارتى دیموکراتى گەلان- هەدەپە رایگەیاند، ئەمڕۆ دوو شەممە بە بڕیارى وەزارەتى ناوخۆى تورکیا هەشت ئه‌ندامی ئه‌نجومه‌نی شاره‌وانیی گه‌وره‌شاری وان لە کارەکانیان دوورخراونەتەوە.
عه‌رجان ییلبۆغا له شاره‌وانیی تووشبای سه‌ر به پارێزگای وان، ساواش عه‌نگو، سێڤینج شوکر و عه‌تیه شه‌ن له شاره‌وانیی ئیدرمیتی سه‌ر به پارێزگای وان، نه‌جمه‌ددین شاهین، پینار ده‌میر، مێهمه‌ت سادق مورانعه‌ر و هۆلیه داراک له شاره‌وانیی چالدۆرانی سه‌ر به پارێزگای وان و ئه‌ندامانی ئه‌نجومه‌نی شاره‌وانیی گه‌وره‌شاری وانی له کاره‌کانیان دوور خسته‌وه.
١٩ى ئەم مانگە وەزارەتى ناوخۆى تورکیا هەرسێ سەرۆک شارەوانى ئامەد و وان و مێردینى لەکارەکانیان دوور خستەوەو نزیکەى ٨٠ کەسى لەناو شارەوانییەکانیش دەستگیر کران.
س.هـ