مەسعود بارزانی جەخت لەچارەسەركردنی كێشەكانی هەولێرو بەغدا دەكاتەوە

sharpress.net

228 جار خوێندراوه‌ته‌وه

11/09/2019‌

شارپرێس:
مەسعود بارزانی سەرۆكی پارتی دیموكرات جارێكی دیكە جەختیكردەوە، كە پشتیوانی دیالۆگ دەكە بۆ چارەسەری كێشەكان لەسەر بنەمای دەستووری نێوان هەولێرو بەغدا دەكەن.

لەبارەی شەڕی داعشیش مەسعود بارزانی رایگەیاند، ئەگەرچی داعش لەڕووی شەڕی بەرەییەوە شكاوە، بەڵام لەناو نەچوون و خەریكی خۆ ڕێكخستنەوەن. هەروەها تەئكیدی كردەوە داعش هەڕەشەیە بۆ سەر هەموولایەك، بۆ هەندێك لا هەڕەشەی نزیك‌و بۆ هەندێكی تر هەڕەشەكە دوورمەودایە، ئەو هۆكارانەش داعشیان دروست كرد وەكخۆیان ماون و چارەسەر نەكراون.

قسەكانی سەرۆكی پارتی لەمیانی كۆبوونەوەیەكی بووە لەگەڵ برایان مەكفیتێرز، جێگری سەرۆكی نێردەی تازەی ئەمەریكا لە عێراق‌و ستیڤ ڤیگن كونسوڵی ئەمەریكا لە هەولێر.

هەر لەو كۆبوونەوەیەدا دوا پێشهاتە سیاسییەكانی عێراق و ناوچەكە و بارودۆخی كەركووك و ناوچەكانی ماددەی ١٤٠ تاتوێ كرا، بارودۆخی سووریا تەوەرێكی تری ئەو دانیشتنە بوو و، سەرۆك بارزانی نیگەرانی و تێبینییەكانی خۆی لەسەر بارودۆخ و داهاتووی گەلی كورد لە سووریا بە شاندی میوان ڕاگەیاند، ئەوەش بەپێی راگەیەنراوی كۆبوونەوەكە.

هـ ـ ح






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved