شارپرێس:
سەرچاوەیەك لەناو وەزارەتی بەرگری سعودییە رایگەیاند، كە ریاز بڕیاریداوە بێتەپاڵ هاوپەیمانی نێودەوڵەتی بۆ پاراستنی كەشتیوانی دەریایی و دەستەبەركردنی سەلامەتی نۆكەندە ئاوییەكان .
ئاژانسی هەواڵی سعودییە (واس) لەسەر زاری بەرۆسێكی سعودییەوە گواستوویەتییەوە، رایگەیاندووە، سعودییە بڕیاریداوە بێتەپاڵ هاوپەیمانی نێودەوڵەتی بۆ ئاسایشی كەشتیوانی دەریایی و دەستەبەركردنی سەلامەتی نۆكەندە ئاوییەكان.
وەزارەتی بەرگری سعودییە راشیگەیاندووە، كۆنگرەیەكی رۆژنامەوانی دەبەستێت و تێیدا وتەبێژی فەرمی وەزارەتەكە بەڵگەكانی تێوەگلانی ئێران لە هێرشەكانی سەر دامەزراوە نەوتییەكانی سعودییە ئاشكرا دەكات .
ئامانج لەو هاوپەیمانییە نێودەوڵەتییە بریتییە لە پاراستنی كەشتییە بازرگانییەكان لەڕێگای پرۆسەیەكی كەشتیوانی سەلامەت بۆ دەستەبەركردنی كەشتیوانی دەریایی و بازرگانی جیهانی و پاراستنی بەرژەوەندییەكانی دەوڵەتە بەشدارەكانی هاوپەیمانییەكە .
رۆژی شەممە هێرشكرایە سەر دوو پاڵاوگەی نەوتی گەورەی كۆمپانیای ئارامكۆی سعودییە لە هەردوو ناوچەی "بەقیق " و " هجرە خەریس" لە رۆژهەڵاتی سعودییە، كە گرووپی حوسییەكانی یەمەنی لایەنگری ئێران بەرپرسیاری خۆیان لەو هێرشانە راگەیاند .
وەرگێڕان: ئاكۆ عەبدوڵڵا ئاڵی