شارپرێس:

نەخۆشی شەکرە لە جۆری دووەم نەخۆشییەکی درێژخایەنە و پێویستی بە گۆرانکاریکردن لە سیستەمی خۆراکیدا هەیە ، لەڕووی زانستیشەوە سەلمێنراوە ژمارەیەک خواردن کاریگەریان هەیە لە کەمکردنەوەی ڕێژەی شەکر لە خوێندا .
بەڵگە زانستییەکان ئاماژە بۆ ئەوە دەکەن کە خواردنی بامیە سوودی تەندرووستی زۆری بۆ جەستە هەیە کە گرنگترینیان ئەوەیە یارمەتی دابەزاندننی ڕێژەی شەکری ناو خوێن دەدات .
لەیەکێک لە لێکۆڵینەوەکان کە لە هیندستان لەسەر مشکی تووشبوو بە نەخۆشی شەکرە تاقیکراوەتەوە و دانکۆڵەی بامیەی وشککراوەی پێدراوە ، دەرکەوتووە رێژەی گلوکۆز لەناو خوێنی مشکەکان دادەبەزێت، لەکاتێکدا لێکۆڵینەوەیەکی تر تێبینی دابەزاندنی ئاستی گلوکۆزی لە خوێنی ئەو کەسانە کردبوو کە تووشی نەخۆشی شەکرە بوون و بۆماوەی ١٠ رۆژی لەسەریەک بامییەیان خواردووە .
سەرباری ئەو لێکۆڵینەوانەی پێشتر ، گەلێک لە نەخۆشانی شەکرە بە پێگەی " دایابیتس"یان گوتووە دوای ئەوەی بۆماوەی شەوێکی تەوەو پارچەیەک بامییەیان خسۆتە ناو ئاو و بۆ بەیانییەکەی ئاوەکەیان خواردۆتەوە هەستیان بە دابەزاندنی ریژەی شەکری ناو خوێنیان کردووە .
بەدرێژایی چەندین دەیەی رابردوو ،  تۆو بامیەی برژاو وەک دەرمانێکی میللی لە وڵاتانی رۆژهەڵاتی ناوەراست بۆ نەخۆشانی شەکرە بەکارهاتووە.
رۆژنامەی "ئێکسپرێس"ی بەریتانی دەڵێت  بەگوێرەی چەندین لێکۆڵینەوە ، ریشاڵە نەتواوەکان ئەوانەی لەناو بامیەدا هەیە ، ، لەڕێگای هێواشکردنی تێکرای مژینی شەکر لە ریخۆڵەکاندا  یارمەتی سەقامگیری ڕێژەی گلوکۆز دەدات لەناو خوێن دەدات .

وەرگێڕان : ئاکۆ عەبدوڵلا ئاڵی