شارپرێس:
رۆژنامەنووس و پێشكەشكاری بەناوبانگی ئەمەریكی ئەلێكس تریبیك، كە ئێستا تووشی شیرپەنجەی پەنكریاس بووە دەڵێت: ئازاری بەردەوامی سك رەنگە یەكێك بێت لەنیشانەكانی تووشبوون بە شێرپەنجە .
تریبیكی تەمەن ( ٧٩ ساڵ) تۆمارێكی ڤیدیۆیی لەسەر یوتیوب بڵاوكردووەتەوە و بەپێی بیروبۆچوونی خۆی نیشانە سەرەتاییەكانی نەخۆشی شیرپەنجەی باس كردووەو تێیدا دەڵێت: بوونی ئازارێك لە سكدا ، دواتر ئازاری لەبەشی خوارەوەی پشتدا بەدوادا دێت.
تریبیك دوای ئاشكرابوونی نەخۆشییەكەی ئینجا هۆكاری لەدەستدانی كێش و بەربوونەوەی ڕیژەی شەكر و زەردەهەڵگەرانی پێستی بۆدەركەوتووە .
پێشتر ئەلێكساندەر میاسنیكۆڤ پزیشكی روسی ئەو نیشانانەی ئاشكرا كردبوو، كە بەڵگەی تووشبوونن بە نەخۆشی شێرپەنجە لە مرۆڤدا، لەوێدا بەشێوەیەكی تایبەت باسی وشكبوونەوەی پێست و خوران و دەركەوتنی پەڵەی تاریك لەژێر باڵ و خوار سنگی كردبوو.
لەهەمان كاتیشدا باسی ئەوەی كردبوو، كە ئەو نیشانانە نیشانەی تووشبوونیشن بە نەخۆشی شەكرە و نارێكی رژێنی دەرەقی .
جگە لەمانە گۆڕانكاری لە رەنگی نینۆكی دەست و خراپ سارێژبوونەوەی برینیش نیشانەی گەشەكردنی نەخۆشی شێرپەنجەن.
وەرگێڕان: ئاكۆ عەبدوڵڵا ئاڵی