شارپرێس:
زیادبوونی چەوری جەستە ئاماژەیەكی تەندروست نییە، بەڵام ترسناكترین شوێنی كۆبوونەوەی چەوری ورگە لەبەر ئەوەی پەیوەستە بەئەندامەكانی ناوەوەی جەستە وەك جگەر و پەنكریاس و دڵ و گورچیلە و زراو.
چەند هۆكارێكیش هەیە بۆ كەڵەكەبوونی چەوری لەو ناوچەیە كە گرنگترینیان ئەمانەن:
كەمجوڵەیی و خواردنی خواردنە ناتەندروستەكان وەك خواردنە خێراكانو هەویرەمەنییەكان و گۆشتی دەستكاریكراو .
بەتەمەنداچوون یەكێكە لە هۆكارەكان، كە وادەكات جەستە توانای سووتاندنی چەوری كەمببێتەوە، هەروەك ژنانیش لەدوای تەمەنی نائومێدی تووشی دەبن .
كەمخەوی، ئەگەر بێت و جەستە كاتژمێری پێویستی نەبێت بۆ پشوودان ئەوە كار لەهاوسەنگی هۆڕمۆنەكان دەكات و دەبێتە هۆی زیادبوونی حەزی خواردن و تەنبەڵی و كەمجوڵەیی.
دڵەراوكێ و گوشارەكان یەكێكی ترن لە زیادبوونی حەزی خواردنی شیرینی و چەورییەكان و زیادبوونی هۆرمۆنی كۆرتیزۆل كە هۆكارە بۆ زیادبوونی هۆرمۆناتی برسێتی .
خواردنی هەندێك خواردنی دیاریكراو هۆكارە بۆ گەورەبوونی ورگ، وەك خواردنەوە گازییەكان و شەكرەمەنییەكان و ئاردی سپی و چەوری ئاژەڵی .
بۆ رزگاربوون لە زێدەورگی ، خەوێكی زیاتر بەدەستبهێنە و سیستەمی خۆراكیت ڕێك و تەندرووست بكە .
وەرگێڕان: ئاكۆ عەبدوڵڵا ئاڵی