شارپرێس:
راگەیاندنی تەندروستی هەڵەبجە رایگهیاند، بههۆی خۆپارێزگای له ڤایرۆسی كۆرۆناوه بڕیاردراوه سەرتاشخانەو ئارایشتگەکان له پارێزگاكهدا دابخرێن.
راگەیاندنی تەندروستی هەڵەبجە له ههژماری تایبهتی خۆی له تۆڕی كۆمهڵایهتی فهیسبووك ئاگاداریهكی بڵاوكردهوه و رایگهیاند، "ئاگاداری سەرجەم خاوەن سەرتاشخانەو ئارایشتگەکان دهكهین لەپێناو سەلامەتی و پاراستنی تەندروستی هاوڵاتیان، سەرجەم سەرتاشخانەو ئارایشتگاکان دابخرێن
ئاماژهی بهوهشكردووه، بڕیارهكه له سبهی چوارشهممه 11-3-2020 جێبهجێ دهكرێت و تا كاتێكی نادیار بهردهوام دهبێت.
تەندروستی هەڵەبجە هۆشداری دهداته هاوڵاتیان و دهڵێت، "هەرکەس پابەندی ئاگاداریەکە نەبێت توشی سزای یاسایی دەبێتەوە، لیژنەکان بەردەوام دەبن لە سەردانکردن و چاودێریکردن".