شارپرێس:
چالاکوان و کەسایەتى بادینان سەید ئەکرم داوا لەسەرۆک کۆمارو کونسوڵ وڵاتان لە هەرێم دەکات کار بکەن بۆئازادکردنى مامۆستاکەى دهۆک.
لە پەیامێکدا کە ئاڕاستەى بەرهەم ساڵح سەرۆک کۆمارى عێراق و کونسوڵ و نوێنەرایەتى و پەرلەمانتارانى کورد لە بەغدا کردوە سەید ئەکرەم کەسایەتى بادینان داواى ئازادکردنى ئەو مامۆستایەى کردوە کە بۆ یەکەم جار بانگەشەى خۆپیشاندانى مامۆستایانى لەدهۆک کرد.
لە راگەیەنراوەکەدا ئەو کەسایەتیە رایگەیاندوە" چەند رۆژە مامۆستا بەدەل بەرواری لە زینداندایە کە گوناحى ئەو تەنی داواکردنى ماف و قوتى خۆى بووە لە حکومەتى گەندەڵ و دیکتاتۆرى هەولێر".
سەید ئەکرەم داواشى لەو لایەنانە کردوە کە هەوڵى نیشتیمانى خۆیان بدەن بۆ ئازاکردنى مامۆستا بەدەل بەرواری ودانى سنورێک بۆ ئەو زوڵم و زۆریەى حکومەتى هەرێم دەیکات.
بو/سەروک کومار د. برهم سالح، سەروکێ حکومەتێ (د.کازمی)، پەرلەمانێ عێراقێ، دادگەها فیدرالی، سەفارەت و قونسولێن بیانی، جڤاتا ناڤنەتەوەی، رێکخرا و کەسایەتیێن مروڤ دوست، راگەهاندنا ئازاد، پەرلەمانتویێن کورد لبەغداد، هەرکەسێ شولەژێ.. ئاگەهداریەکا بلەز: هوین دئاگەهدارن چەنین روژە( ماموستا بەدەل بەرواری) دزیندانێ دایە، گونەها وی ئەوە بتنێ داخازیا ماف و قەرێن خوە ژحکومەتا گەندەڵ و دکتاتوریا هەولێرێ کریە، ناڤبری بشەڤ، بزولم و ب بێ رێزیەکا مەزن ژمالێ دەرکریە، ناڤبری ماموستایەکێ چالاک و مروڤەکێ ئازا و ئازادە، بهەزارەها چالاکی و کارێ سڤیل پێشکێشی خەلکێ دهوکێ کرینە، ئەڤ حکومەتا دبێژنێ حکومەتا هەرێمێ، پارێزگەها دهوک و هەولێرێ کرینە لەشکەرتاری و زیندان.. بو خەلکێ ئازا و چاڤ نەترس، هوین دزانن، چەندین سالێن حوکومرانیا وان بوینە دزی و گەندەڵی و کوشتن و زیندان کرنا خەلکێ وەڵاتپەروەر و چالاک، دەنگێ ئازاد و مروڤێ ئازا چ بنیاتێ ژیانێ بونەهێلایە، هندی دچیتن ژی کاروکریارێن خرابترێ و وێرانترێ دکەن...بوناڤێ، داحازێ دکەین، هەرچی زویە ماموستا بەدەل بێتن ئازاد کرن، هەردیسان دخازین برولێ خویێ نیشتیمانی و ئەرکێ خویێ دولەتداریێ رابن، سنورەکی بو ڤێ زولمێ و ڤێ حکومەتا دکتاتور دانن..براستی شەرم و عەیبەکا زورا مەزنە، ل چاخێ بیست و ئێکێ، چاخێ فێسبوک و ئەنترنێتێ..گەلەک وەکی گەلێ کورد، نەخاسم دهەرێما بەهدینان دا ..خەریکە رەوشا مروڤی تێدا بگەهیتن تونێلەکا گرتی و بێ دەرگەه، ژیان دحرابترین رەوشا خودا دەرباز ببیتن، بسەدان و هەزاران خەلکێ خەباتگێر موچەبر کریە، خستنە زیندانان بگونهێن باتل، بدەهان هزاران وەڵات بجێ هێلایە..ئێدی بێدەنگیا هەوە ل سەر ڤێ رەوشێ جهێ ترس و بێ ئومێدیەکا مەزنە...
ئازادی بو ئازادیخوازێن هەرێمێ و خەلکێ بەهدینا...
اکرم خالد عبدالکریم/سید اکرم/دهوک ژپێش کومەکا چالاکڤان و ماموستایان ژمارا تلغونێ/ ٠٧٧٢٢٩٧٣٦٥٦
