هۆشداری لەمەترسیی خواردنەوەی ئاوی لیمۆ دەدرێت

تەندروستی

11/10/2020‌ 4557 جار خوێندراوه‌ته‌وه

شارپرێس:
ئاوی لیمۆ لە خواردنەوە گرنگەکان بۆ تەندرووستیی مرۆڤ هەژماردەکرێت، لەبەرئەوەی ئەو رەگەزە خۆراکیانەی تیدایە کە ڕێگری لە وشکبوونەوەی پێست دەکات و پرۆسەی هەرسکردن و لەدەستدانی کێش ئاسان دەکات .

بەگوێرەی پێگەی "بزنس ئینسایدەر"، لەگەڵ سوودە زۆرەکانی ئاوی لیمۆ بۆ جەستەی مرۆڤ، بەڵام پسپۆڕان هۆشداری لە زیادەرەویکردن لە خواردنەوەی دەدەن و دەڵێن رەنگە بەهۆی زۆر ترشییەکەی ببێتە هۆی داخوورانی مینای ددانەکان .

جگە لەوەی ئەگەری هەیە زۆر خواردنەوەی ئاوی لیمۆ ببێتە هۆی درووستبوونی گرفتی تەندرووستی وەکو گەڕانەوەی ترشی گەدە و سووتانەوەی گەدە و سەرلەگیژەوەهاتن و ڕشانەوە.

پسپۆڕان دەڵێن دانانی قاشە لیمۆ لەناو ئاودا، دەبێتە هۆی درووستبوونی چەندین نەخۆشیی، لەبەرئەوەی بڕێکی زۆر میکرۆبی تێدایە .

هەروەک چۆن زاناکان گەیشتوونەتە ئەو دەرئەنجامەی کە ئەو ترشییەی لەناو ئاوی لیمۆدایە هۆکارە بۆ درووستبوونی برینی گەدە و قورسکردنی، کە سەردەکێشێ بۆ درووستبوونی نیوەلاسەرئێشە.
وەرگێران : ئاکۆ ئاڵی