شارپرێس:
بەڕێوەبەرایەتی
تەندروستی سلێمانی بڵاویكردەوە، 13 توشبوی نوێی كۆرۆنا داخلی نەخۆشخانەكانی تایبەت
بە كۆرۆنا كراون و 21 توشبویش لە ژووری چاودێری چڕ دایە.
لە
راگەیەنراوێكدا بەڕێوەبەرایەتی تەندروستی سلێمانی ئاماری ئەمڕۆی دۆخی كۆرۆنای لە
سنوری پارێزگای سلێمانی بڵاویكردەوە، كە 101 توشبوی كۆرۆنا لە نەخۆشخانەكانی
تایبەت بە كۆرۆنادان و 13 توشبوی نوێ داخلكراون و 22 توشبویش چاكبونەتەوە.
هەر بەپێی راگەیەنراوەكە، 21
توشبو لە ژووری چاودرێی چڕدان و 13 توشبویش لە ژێر ئامێری cpap دایە
و سێ توشبویش گیانی لەدەستداوە.
بەپێی ئامارەكانی وەزارەتی
تەندروستی لە 24 كاتژمێری رابردوودا لە هەرێمی كوردستان 810 تووشبووی نوێ
تۆماركراوە و 415 توشبو چاکبوونەتەوە و 16 توشبویش گیانیان لەدەستداوە.