شارپرێس:
ئیدارا پارێزگەها دهۆکێ ڕاگەهاندەک بەلاڤکر کو وان گوهورینێن بهردهوام یێن دناڤ دام ودهزگههێن حكومهتا ههرێما كوردستانێ دا ئەڤرۆ پێنج رێڤەبەرێن نوی دەستبکاربوون.
ڕاگەهاندنا ئیدارا پارێزگەها دهۆکی ڕاگەهاند، ئەڤرۆ پێنج رێڤەبەرێن نوی ل ناوچەداریێن (مانگێشكێ وزاویته وگردهسین وبجێل وشێلادزێ) یێن سەر ب وێ پارێزگەهێ ڤە دەستبکاربوون.
بڤێ هەلکەفتێ پاریزگارێ دهۆکێ ڕاگەهاند، گوهورین دناڤ دهزگههێن میرى دا تشتهكێ ئهرێنى وسروشتیه و تەکەز ل وێیەکێ ژی کر ههر كار وخزمهتهكا بهێته پێشكێشكرن دڤێت دکەڤانێ رێنما وقانونێن حكومهتا ههرێما كوردستانێ بیتن.
گوت ژی، دڤێت ڕێگری ل ههموو زێدهگاڤیان بهێتەكرن وب یهكسانى وبباشترین ڕەنگ و رێزگرتن ل خزمهتا گشتى یا ههموو وەلاتیان بهێته گرتن.
ل داویێ ژی فهرمانێن كارگێرى یێن دهست ب كاربوونا ههموو رێڤهبهرێن ناوچهداریان هاتنه ڕادهستكر کو ئەو ژی پێکدهێن:
1- ئدریس محەمەد رێڤهبهرێ ناوچەداریا زاویته
2 - بریندار حەیدر رێڤهبهرێ ناوچهداریا مانگێشكێ
3 - رزگار عبید رێڤهبهرێ ناوچهداریا شێلادزێ
4 - ئەحمەد سلێمان رێڤهبهرێ ناوچهداریا گردهسین
5- مەنهەل موفق شهاب رێڤهبهرێ ناوچداریا بجێل