شارپرێس:

بەرپرسێ ئۆفیسا دهۆک یا کۆمسیۆنا بلندا سەربەخویا هەلبژارتنێن عیراقێ ئاشکرا کر کو هەتا نوکە 20 ھزار کەسان ل پارێزگەها دهۆکێ ناڤێن خو ب رێیا ئۆنلاین بۆ سەر سندوقێن دەنگدانێ تۆمارکرینە و وان بۆ ڤێ مەرەمێ بتنێ پێدڤی ب 10 ھزار کارمەندان ھەیە.

بەرپرسێ ئۆفیسا دهۆک یا کۆمسیۆنا بلندا سەربەخویا هەلبژارتنێن عیراقێ ئاشکرا کر کو هەتا نوکە 20 ھزار کەسان ل پارێزگەها دهۆکێ ناڤێن خو ب رێیا ئۆنلاین بۆ سەر سندوقێن دەنگدانێ تۆمارکرینە و وان بۆ ڤێ مەرەمێ بتنێ پێدڤی ب 10 ھزار کارمەندان ھەیە.

خالد عەباس، بەرپرسێ ئۆفیسا دھۆک یا کۆمسیۆنا بلندا سەربەخۆیا ھەلبژارتنێن عیراقێ بۆ مالپەرێ فەرمیێ پارتی دیموکراتی کوردستان دیار کر کو تۆمارا بایۆمەتری ھەتا رۆژا 1/5/2021 یا بەردەوام بوو و 74% ژ خەلکێ پارێزگەھا دھۆکێ ب تۆمارا ناڤھاتی ھاتنە تۆمارکرن کو پارێزگەھا دھۆکێ ب رێژا دوویێ دھات ل سەر ئاستێ عیراقێ و گۆت، "ھەتا نوکە 92% ژ خەلکێ پارێزگەھا دھۆکێ کارتێن خۆ یێن بایۆمەتری یێن وەرگرتین".

ناڤھاتی ئاماژە دا وێ چەندێ کو بۆ ھەلبژارتنێن داھاتی یێن عیراقێ 33 بەربژار ل پارێزگەھا دھۆکێ ھەنە ژ ڤی سەرجەمی ناڤێن 20 بەربژاران ژ لایێ لایەنێن سیاسی ڤە بۆ وان ھاتینە رەوانەکرن و ھەشت بەربژار ژی ب کوتا مەسیحینە کو ل دووڤ یاسایێ کورسیەک بۆ وان ھاتیە دیارکرن و پێنج کەسان ژی ب شێوەیەکێ سەربەخوە خوە بەربژارکریە و گۆت "264 بنگەهـ بۆ رۆژا دەنگدانێ ل پارێزگەھا دھۆکێ ھاتینە بەرھەڤکرن، بەلێ ھێشتا ژمارا وێستگەھان نەھاتیە دیارکرن.

ل دووماھیێ بەرپرسێ ئۆفیسا دھۆک یا کۆمسیۆنا بلندا سەربەخوەیا ھەلبژارتنێن عیراقێ خویا کر کو ئەو کەسێن ناڤێن خۆ بۆ سەر سندوقێن دەنگدانێ ل پارێزگەھا دھۆکێ تۆماردکەن دڤێت ئاکنجیێن پارێزگەھا دھۆکێ بن، ھەروەسا ژ باوەرناما ئامادەیی کێمتر نەبیت و رەگەزناما عیراقی و کارتا دەنگدانێ ھەبیت و گۆت ژی. پرۆسا تۆمارکرنا ناڤان ب شێوەیێ ئۆنلاین بۆ سەر سندوقێن دەنگدانێ ل پارێزگەھا دھۆکێ دێ ھەتا رۆژا 1/8/2021 یا بەردەوام بیت.