شارپرێس:
لیۆنێل مێسی ئەرجەنتینی و یاریزانی یانەی بەرشەلۆنە دان بەوەدا دەنێت خۆی و هاوڕێكانی لە یاری نێوان ئەرجەنتین و چیلی كەمتەرخەم بوونە.

شەوی ڕابردوو هەڵبژاردەی ئەرجەنتین و چیلی لە ڕكابەرییەكانی كوبا ئەمریكای ساڵی 2021 ڕووبەڕووی یەكتر بوونەوە و یارییەكە بە ئەنجامی 1-1 كۆتایی پێهات.

لە پاش یارییەكە مێسی وتی"پاش ئەوەی گۆلیكمان تۆمار كرد ئارامیمان لەدەستدا و یاریگا لە بەرژەوەندیمان نەبوو، ئێمە كەمتەرخەم بووین لە قۆستنەوەی یارییەكە".

ئاماژەى بەوەشکرد، كە چیلی گۆلی یەكسان بوونەوەیان تۆمار كرد، بە ئارامی و مێشكێكی ئارامەوە یارییان دەكرد و توانیان كۆنتڕۆلی تۆپ بكەن لە یاریگادا.
ئەوەشى خستەڕوو، بڕیاری لێدانی سزا بۆ چیلی هیچ هۆكارێكی ڕوونی نەبوو، بەڵام چارەنوسی یارییەكەی گۆڕی و لە ئێستادا پێویستە خۆمان بۆ یاری بەرامبەر ئۆرۆگوای ئامادە بكەین.

ڕەنج ڕەسوڵ