شارپرێس:
سەرۆکوەزیرانی عێراق رایدەگەیەنێت، عێراقی برایەتی بنیات دەنێن و لە هەموو ماڵێکدا گوێ لە خەڵک دەگرن.
مستەفا کازمی سەرۆکوەزیرانی عێراق لە تویتێکدا نووسیویەتى، دوێنێ لە سەڵاحەدین بووین، پێشتر لە ناسریە، بەسرە، موسەننا، میسان، هەولێر، واست، دیالە، كەربەلا، سلێمانی و موسڵ، لە هەموو ماڵێكی نیشتمان گوێ لە خەڵک دەگرین.
ئاماژەی بەوەشکردووە، عێراقی برایەتی و ئارامی نیشتمانپەروەران بنیات دەنێین نەک ئەو هەلپەرستانەی، كە بازرگانی بە تائیفەگەری و رەگەزپەرستییەوە دەكەن.
لەچەند رۆژى رابردوودا مستەفا کازمی سەرقاڵی کردنەوەی پرۆژەیەک بوو لە پارێزگای زیقار، ژمارەیەک لە هاوڵاتیان خۆپیشاندانیان ئەنجامدا و هێرشیانکردە سەر کاروانی ئۆتۆمبێلەکانی کازمی.
س.هـ