شارپرێس:
رۆژی پێنجشەممە پاڵاوتنەكانی خولی بالەی ژنان
لە وڵاتی سعودییە بەڕێوەدەچێت، ئەو خولە لە 14 تیپ پێكهاتووە و ركابەرییەكان لە
شاری ریاز و جدە ئەنجام دەدرێن.
حەنان ساڵح قەحتانیی ئەندامی لیژنەی یەكێتی
تۆپی بالەی وڵاتی سعودییە دڵخۆشی خۆی بەم هەنگاوە دەربڕی و ئاماژەی بەوە كرد، ئەمە
خاڵی دەسپێكە بۆ ئەوەی بتوانین بە ژنان بەشداری لە خولە جیهانییەكان بكەین.
پاڵاوتنی خولەكە لە 5 ی مانگی 8 دەستپێدەكات
و هەتا 21 ی هەمان مانگ دەخایەنێت، لە شاری ریاز 4 تیپ و لە شاری جدە 7 تیپ و لە ناوچە
رۆژهەڵاتییەكان 3 تیپ بەشداریان كردووە.
راپۆرتە وەرزشییەكان ئاماژە بەوە دەكەن، كۆتاییەكانی
خولەكە دەگاتە 9 ی مانگی 9 و لە كۆی 14 تیپەكە تەنها 6 تیپ دەمێننەوە.
رەنج رەسول