شارپرێس:
ئاژنسی بلومبێرگ لیستی 25 دەوڵەمەندترین بنەماڵەكانی جیهانی بۆ ساڵی 2021
بڵاوكردووەتەوە، ئێمە لێرەدا ئاماژە بە پێنج بنەماڵەیان دەكەین.
بلومبێرگ نوسیویەتی، ڤایرۆسی كۆرۆنا كاریگەری خراپی لەسەر ئەم بنەماڵانە
نەبووە و توانیویانە لە سەردەمی بڵاوبونەوەی ڤایرۆسی كۆرۆنا پارێزگاری لە
سەروەتەكەیان بكەن.
یەكەم، خێزانی واڵتۆنی ئەمریكی
داهاتی خێزانی واڵتۆن 238.2 ملیار دۆلاری ئەمریكیە و خاوەنی زنجیرە
بازاڕەكانی ولمارتە لە ویلایەتە یەكگرتووەكانی ئەمریكا.
دووەم، خێزانی مارسی ئەمریكی
داهاتی خێزانی مارس 141.9 ملیار دۆلارە و خاوەنی كۆمپانیای مارسی تایبەت بە
شیرینییە.
سێیەم، خێزانی كۆچی ئەمریكی
داهاتی خێزانی كۆچ 111.6 ملیار دۆلارە و خاوەنی كارگەی پیشەسازین.
چوارەم، خێزانی هێرمیس
داهاتی خێزانی هێرمیس 111.6 ملیار دۆلارە و خاوەنی بازرگانیی كەرەستە
گرانبەهاكانن.
پێنجەم، بنەماڵەی ئال سعود
بنەماڵەی ئال سعود خاوەنی 100 ملیار دۆلارە.
رەنج رەسول