شارپرێس:
وتەبێژی ئەنجومەنی وەزیرانی عێراق رایگەیاند، حکومەت چەندین پیرۆزبایی و دانپێدانانی نێودەوڵەتی پێگەیشتووە لەبارەی پاکی و بێگەردی هەڵبژاردنی پەرلەمانەوە و قبوڵکراوبووە.
حەسەن نازم وتەبێژی ئەنجومەنی وەزیرانی عێراق لە کۆنفرانسێکی رۆژنامەنووسیدا رایگەیاند، حکومەت چەندین دەستخۆشی و دانپێدانان و قبوڵکردنی نێودەوڵەتی پێگەیشتووە.
ئاماژەی بەوەشکرد کە لەسەر ئاستی نێودەوڵەتی دانبەوەدانراوە کە هەڵبژاردنی پەرلەمانی عێراق بەشێوەیەکی بێگەرد بەڕێوەچووە و قەبوڵکراوبووە.
حەسەن نازم لەبارەى نیگەرانی و تێبینەکانى لایەنەکانەوە ئەوەى خستەڕوو کە تێبینییەکانی هەندێ لایەن دروستە و هەموو کەس مافی ئەوەی هەیە، ئەمەش بەیاسا رێکخراوە دەتوانن رێکاری یاسایی بگرنەبەر.
س.هـ