شارپرێس:
لوید ئۆستن، وەزیری بەرگری ئەمریکا ڕایگەیاند، وڵاتەکەی دژی هەر لایەنێک دەوەستێتەوە سەقامگیریی عێراق بخاتە مەترسییەوە.
لوید ئۆستن لە کۆڕبەندی مەنامە لە بەحرەین وتەیەکی پێشکەشکرد و ڕایگەیاند، هێزەکانمان لە هەر هێرشێکی ئێران و هاوپەیمانەکانیان لە عێراق دەپارێزین، هاوکات دژی هەر لایەنێک دەوەستینەوە کە هەڕەشەبێت بۆسەر سەقامگیریی و ئاسایشی عێراق".
بەوتەی وەزیری بەرگری ئەمریکا، وڵاتەکەی بەردەوام دەبێت لە داکۆکیکردن لە ئازادیی و سەربەخۆیی لە عێراق.
ئۆستن جەختی لەوەشکردەوە، پەیوەندیی ئەمریکا و عێراق لە ئاستێکی باشدایە، هاوکات ئەمریکا بەردەوام دەبێت لە هاوکاریکردنی هاوپەیمانەکانی خۆی لە عێراق.