وەزیری پێشمەرگە: داعش مەترسی گەورەیە بۆسەر هەرێمی كوردستان

کوردستان

05/08/2022‌ 307 جار خوێندراوه‌ته‌وه


شارپرێس

وەزیری پێشمەرگەی ھەرێم ئاشکرایکرد، ھاوپەیمانان یەکگرتنەوەی پێشمەرگەیان کردووە بەمەرجی پشتیوانییەکانیان، ئەگەر پرۆسەی چاکسازی بەباشی نەڕوات کاریگەری لەسەر ھاوکارییەکان دەبێت و جەختیشیكردەوە، داعش مەترسی گەورەن بۆ سەر ھەرێم.


شۆڕش ئیسماعیل وەزیری پێشمەرگەی ھەرێم لە کۆنگرەیەکی رۆژنامەوانیدا باسی لە سەردانی وەفدی وەزارەتی پێشمەرگە بۆ واشنتۆن کرد و ڕایگەیاند، چاکسازی لە ناوپێشمەرگە لە پێشینەی کارەکانە و  ھاوپەیمانان پێداگری زۆر دەکەن کە ھێزی پێشمەرگە ھێزێکی رێکخراو بێت و دەستوەردانی حزبی تیادا کەمبکرێتەوە.

وتیشی: ھاوپەیمانان لەبەرامبەر بەرەوپێشچوونی ڕێکخستنی پێشمەرگە ھاوکاریی و پشتیوانییەکان زیاددەکەن، ئەگەر پرۆسەی چاکسازی بەباشی نەڕواتە پێشەوە کاریگەری لەسەر ھاوکارییەکانی ھاوپەیمانان دەبێت و یەکگرتەنەوەی پێشمەرگەشیان کردووە بە مەرجی ھاوکارییەکانیان.

ئاشكرایشیكرد، ئەمریکا فشاری لە حکومەتی عێراق کردووە بۆ ئەوەی لیوا ھاوبەشەکانی نێوان پێشمەرگە و سوپای عێراق بچنە ئەو ناوچانەی بۆشایی ئەمنیی تێدایە.

وەزیری پێشمەرگە نەیشاردەوە، ھەتا ئێستا مەترسییەکانی داعش بۆ سەر ھەرێمی كوردستان مەترسی گەورەن.

س.س