وەزیری دارایی و ئابووری حکومەتی هەرێمی کوردستان رایگەیاند، یاسای بودجە ستەمێکی گەورەی لە هەرێمی کوردستان کردووە و لە گفتوگۆکانی نێوانمان لەسەر هەموارکردنەوەی یاساکە رێککەوتووین.
ئاوات شێخ جەناب، وەزیری دارایی و ئابووری حکومەتی هەرێمی کوردستان بە میدیای پارتی راگەیاند، ووردبینی بۆ داتا و زانیارییەکان کراوە و وەزارەتی دارایی و ئابووری هەرێمی کوردستان هەموو رێکارەکانی جێبەجێکردووە.
دەشڵێت یاسای بودجە ستەمێکی گەورەی لە هەرێمی کوردستان کردووە، حکومەتی فیدراڵیش درکی بەو ستەمە کردووە، لە گفتوگۆکانی ئەم دواییەی نێوانمان لەسەر هەموارکردنەوەی یاساکە رێککەوتووین.