بهڕێوەبهرایهتی خۆسەری رۆژئاوای كوردستان، لە بەیاننامەیەکدا بە بۆنەی شەشەمین ساڵیادی داگیركاری توركیا و میلیشیاكانی له ناوچهی عهفرین، ڕایگەیاند، “رزگارکردنی عەفرین هەڵبژاردەیەکی ستراتیژییە بۆ ئێمه.
بەڕێوەبەرایەتی خۆسەر ئاماژەی بەوەکردووە، داگیركاری عەفرین “دەرئەنجامی پیلان و مامەڵەیەک بووە کە لەنێوان هێز و لایەنەکاندا کراوە و ئەم پیلانگێڕییەش دەرئەنجامێکی نەرێنی گەورەی هەبووە، کە بریتی بوو لە هێنانی پاشماوەی داعش و نوسرە و توندڕهوهكانی دیكه بۆ ناوچه كوردییهكان”.
هەروەها داوای لە کۆمەڵگەی نێودەوڵەتی و کۆمکاری عەرەبی کرد کاربکەن بۆ کۆتایی هێنان بە داگیركاری تورکیا له عەفرین و ناوچهكانی دیكهی رۆژئاوای كوردستان.
لە ڕاگەیەندراوەکەدا هاتووە، تورکیا میلیشیاكانی ئاراستە دەکات بۆ ئەنجامدانی پێشێلکاری و هێنانەدی گۆڕانکاری دیمۆگرافی لە عەفرین، “بەردەوامی داگیرکاری تورکیا هێرشێکی ئاشکرایە بۆ سەر یەکێتی سوریا و گەلەکەی”.