شارپرێس
فەرماندەیی هێزەکانى
کۆماندۆى کوردستان گیان لەدەستدانى پێشمەرگەیەکى کۆماندۆى ڕاگەیاند، کە لەکاتى
ڕووبەڕووبونەوەى هێزەکانى کۆماندۆ و چەند قاچاخچیەکى شوێنەران لە گەرمیان گیانى
لەدەستداوە.
لە ڕاگەیەندراوێکدا، فەرماندەیی
هێزەکانى کۆماندۆى کوردستان بڵاویکردەوە، دوای بەدەستهێنانی زانیاری ووردی هەواڵگری، لە سەر باندێكی قاچاخچێتی چەك و
شوێنەوار لە گەرمیان، درەنگانی شەوی ڕابردوو 25ی نیسانی 2024 تیمێكی هێزەكانمان لە ناوچەی
ساڵح ئاغا - ناحییەی قۆرەتوو، لە سەعات 12:38 خولەك بۆسەیەكیان بۆ ئەو باندە دانا، كە بەنیازبوون ژمارەیەك چەك و
پارچە شوێنەوار ڕەوانەی دەرەوەی هەرێم بكەن.
وەک لە
ڕاگەیەندراوەکەدا هاتووە، لەكاتی تێپەڕینی ئۆتۆمبێلەكانیان ڕووبەڕووبونەوە لە نێوان
هێزەكەمان و ئەو تۆمەتبارانە ڕوویدا و پێشمەرگەیەکى كۆماندۆ بەناوی ئەیوب محەممەد عەلی شەهید
بو.
ئەوەشخراوەتەڕوو، لەو ڕووبەڕووبونەوەیەدا
دەستیان بەسەر چەند پارچە شوێنەوار و دوو
ئۆتۆمبێل و ئەو چەكانەشدا گرت، كە باندەكە بەنیازبوون ڕەوانەی دەرەوەی هەرێمی
كوردستانی بكەن، هاوكات یەكێك لە تۆمەتباران لە ڕووبەڕووبونەوەكەدا كوژرا و یەكێكی
دیكەیان دەستگیركرا و تۆمەتبارێكی دیكەش هەڵهات.