ڕۆژی سێشەممە جۆزێپ بۆرێل، بەرپرسی سیاسەتی دەرەوەی یەكێتیی ئەورووپا هۆشداریی دا لە بەرامبەر هێرشی سەر ڕەفەح و ترسی زیاتری كەوتنەوەی قوربانیی مەدەنی.
ناوبراو بە ڕۆژنامەنووسانی ڕاگەیاند، “سەرەڕای هەموو داواكارییەكانی كۆمەڵگەی نێودەوڵەتی و ئەمریكا و وڵاتانی ئەندامی یەكێتیی ئەورووپا، هێرش بۆ سەر ڕەفەح دەستیپێكردووەتەوە و هەمووان داوا لە بنیامین نەتەنیاهۆ سەرۆكوەزیرانی ئیسرائیل دەكەن كە هێرش نەكاتە سەر رەفەح.
ناوبراو درێژەی بە قسەكانی دا و گوتی: ترسم هەیە جارێكی تر ئەمە ببێتە هۆی زیانی گیانی زۆر لەناو خەڵكی سڤیل.
ئاماژەی بەوەشكرد، "هیچ ناوچەیەكی ئەمن لە غەززەدا نییە".