شارپرێس:

سەرۆک کۆماری ئێران ڕایدەگەیەنێت، متمانەیان بە ئاگربەست نییە و بۆ ئەگەری هەر هێرشێکی ئیسرائیل ئامادەن.

مەسعود پزیشکیان، سەرۆک کۆماری ئێران ئاماژەی بەوەکرد،" جەنگمان ناوێت، بەڵام پشت بە ئاگربەستیش نابەستین و بە هێزەوە بەرگری لە خۆمان دەکەین ".

لەبارەی بەرنامەی ئەتۆمی ئێرانیشەوە، مەسعود پزیشکیان وتی،" بانگەشەی لەناوچونی بەرنامەی ئەتۆمی ئێران تەنیا وەهمێکە، چونکە توانا ئەتۆمییەکانمان لە نێو مێشک و هزری زانایانماندایە، نەک لە نێو دامەزراوەکاندا."

ئەوەشیخستەڕوو، تاران نایەوێت چەکی ئەتۆمی دروست بکات و بەدوای بەدەستهێنانی چەکی ئەتۆمیشدا نییە، بەڵکو بەرنامە ئەتۆمییەکەمان ئاشتیخوازانەیە.

محەمەد سەردار