شارپرێس:
باس لەوەدەکرێت چەند ڕۆژێکە دۆناڵد ترەمپ سەرۆکی ئەمریکا نادیارەو چەند کاتژمێرێکیشە لە تۆڕە کۆمەڵایەتییەکان هاشتاگی (ترەمپ لە کوێیە؟ بڵاوکراوەتەوە، ئەوەش پاش ئەوەی هەندێک رۆژنامەنوس و میدیاکاری ئەمریکی هەواڵی مردنی سەرۆکی ئەمریکایان بڵاوکردەوە.
بەگوێرەی میدیاکان، دواین دەرکەوتنی ئاشکرای دۆناڵد ترەمپ، رۆژی سێشەممەی رابردو بووەو بەپێی خشتەی کارەکانی دوو رۆژی دواتری ترەمپیش دەرکەوتنی نەبووە.
ئەوە بۆ یەکەمجارە رودەدات کە ترەمپ لەدوای گەڕانەوەی بۆ کۆشکی سپی کە بۆ ماوەی چەند ڕۆژێک دیار نەبێت.
ئەوە لەکاتێکدایە پێشتر میدیاکان دەرکەوتنی پەڵەیەکیان لەسەر سەردەستی ترەمپ تێبینی کردبوو.
هاوکات جەی دی ڤانس جێگری سەرۆکی ئەمریکا ڕایگەیاندووە "ئەگەر ترەمپ شتێکی لێ بێت ئامادەم بۆ شوێنگرتنەوەی".