شارپرێس:
بەڕێوەبەرایەتیی کەشناسیی هەرێمی کوردستان ڕەوشی کەشوهەوای 48 کاتژمێری داهاتوی بڵاوکردەوەو دەڵێت، شەپۆلێكی مامناوەندی باران ناوچەكانی هەرێم دەگرێتەوەو بەتایبەت لەكاتەكانی ئێوارەو شەودا كاریگەرییەكەی دەردەكەوێت.

کەشناسیی هەرێمی کوردستان ڕایگەیاند،" لەئەنجامی هاتنی نزمە پاڵە پەستۆی لاواز بۆ سەر ناوچەکەمان شەپۆلێكی مامناوەند دەیگرێتەوەو كە  ئاسمان نیمچە هەور دەبێت و پێشبینی نمە باران لەسەر هەندێک ناوچەی شاخاویی و بەشێوەی نمە بارانی پچر پچری کەم لەکاتەکانی ئێوارە و شەودا، پلەکانی گەرما نزیک دەبێتەوە لەتۆمارکراوەکانی دوێنێ".

ئاماژە بەوەکراوە،" سبەی دوشەممە 1ی کانونی یەکەمی 2025،  لەئەنجامی بەردەوامی ئەو نزمە پاڵە پەستۆ لاوازەی کە تا کاتەکانی نیوەڕۆ بەردەوامی دەبێت، پێشبینی دەکەین سبەی ئاسمان بەگشتی نیمچە هەور بێت، هەروەها پێشبینی باران دەکەین لەسەر ناوچە شاخاوییە سنورییەکان و بەشێک لەناوچە شاخاوییەکانی سنوری پارێزگای سلێمانی و ئەگەری دروستبونی هەورە تریشقە هەیە، لەدوانیوەڕۆ  کەشەکە ئاسایی دەبێتەوەو ئاسمان دەگۆڕێت بۆ پەڵە هەور، پلەکانی گەرما 2 بۆ 3 پلە دادەبەزێت بەراورد بەتۆمارکراوەکانی ئەمڕۆ".

بەرزترین پلەکانی گەرمای پێشبینیکراو بەپلەی سیلیزی:

هەولێر : 21پلەی سیلیزی
سلێمانی : 20پلەی سیلیزی
دهۆک : 20 پلەی سیلیزی
زاخۆ  : 20  پلەی سیلیزی
کەرکوک : 22 پلەی سیلیزی 
هەڵەبجە : 18 پلەی سیلیزی
گەرمیان : 22 پلەی سیلیزی
سۆران : 18 پلەی سیلیزی