شارپرێس:

دەزگای ئاسایشی هەرێم ئاماری هێرشی 24 کاتژمێری ڕابردوی هێرشە درۆنی و موشەکییەکانی سەر هەرێمی کوردستان ئاشکرادەکات و دەڵێت، لەو ماوەیەدا چوار جار هێرش کراوەتەسەر سلێمانی‌و کۆیە.

دەزگای ئاسایشی هەرێم لەڕاگەیەنراوێکدا ئاماژەی بەوەکرد،" کاتژمێر 11:55ی شەوی شەممە، 28ى 3ى 2026 دوو هێرشی درۆنی کراوەتە سەر شارۆچکەی کۆیە -کەمپی پەنابەران و کاتژمێر 2:00ی شەوی شەممە لەسەر یەکشەممە، هێرشێکی دیکە بۆ سەر کۆیە ئەنجامدرایەوە ".

ئەوەشیخستەڕوو،" ڕۆژى یەکشەممە 29ى 3ى 2026، کاتژمێر 12:05 خولەکی نیوەڕۆ هێرشێکی درۆنی کرایەسەر گوندی زڕگوێز ".

دەزگای ئاسایشی هەرێم وتیشی،" هێرشەکان هیچ زيانێکی گيانیان لەدەرئەنجامی هێرشەکان نەبوە ".