لە پێشهاتێکی جیاوازدا ئێران مانگی ڕابردوو ڕێگەی بە شەش کەشتی نەوتی سعودییە داوە بە گەرووی هورمز دا تێپەڕ ببێت، بەڵام ڕێگەی بە عێراق نەداوە.

نەبیل مەرسومی، شارەزای ئابووریی لە نوسینێکدا دەڵێت، مانگی نیسان هەناردەی نەوتی عێراق لەڕێگەی بۆری کوردستانەوە لەنێوان 160 بۆ 200 هەزار بەرمیک نەوت بووە، بەشێکی کەمیشی لەڕێگەی بەندەرەکانی باشوورەوە هەناردە کردوە.

بەوتەی مەرسومی، لەبەرامبەردا سعودییە مانگی ڕابردوو چوار ملیۆن بەرمیل نەوتی ڕۆژانەی لە بەندەری یەنبوعەوە هەناردەکردووە، بەڵام شەش کەشتی نەوتی لە ڕێگەی گەروی هورمزەوە تێپەڕاندووە.

ئەوەش لەکاتێکدایە ئێران لەجەنگەکەی لەگەڵ ئەمریکادا، ڕەزامەندی بۆ عێراق دەرکرد کە نەوتەکەی لە هورمزەوە تێپەڕێت، بەڵام بە کردار ڕێگربوو لە تێپەڕینی کەشتییە عێراقیەکان.