شارپرێس:
دوای بڕیارەکەی موقتەدا
سەدر لەبارەی جیابونەوەی گروپی چەکدارای سەرایا سەلامی سەر بە رەوتی نیشتیمانی
شیعەکان، ناوبراو بڕیاریدا لەماوەی یەک هەفتەدا سەرجەم رێکارەکانی ئەو هەنگاوە تەواو
بکرێت.
نوسینگەی موقتەدا سەدر،
رابەری رەوتی نیشتیمانی شیعەکان لەپەیامێکدا ئاماژەی بەوەکردوە،" موقتەدا سەدر
بەڕێوەبەری نوسینگەکەی و راوێژکاری سەربازی و بەرپرسانی دیکەی رەوتەکەی راسپاردوە
کە لەماوەی یەک هەفتەدا رێکارەکانی جیابونەوەی سەرایا سەلام لە رەوتی نیشتیمانی
شیعەکان تەواو بکەن ".
ئەوەشیخستەڕوو، بە
بڕیاری سەدر دەبێت تاکو جەژنی غەدیر (3ی 6ی 2026) سەرجەم ئەو هێزانە لە رەوتی نیشتیمانی جیاببنەوەو پەیوەندی بە
دەوڵەتەوە بکەن و هەماهەنگی لەگەڵ لایەنە فەرمییەکان بکەن.