شارپرێس:
شارەزایەكی بواری پزیشكی دادوەری لەحكومەتی سریلانكا بە ئاژانسی ئەسۆشیەتد پرێسی راگەیاند، ئەو شەش هێرشە خۆكوژییە یەك لەدوای یەكەی، كە سێ كڵێسا و سێ هۆتێلی لەناو و دەوروبەری كۆڵۆمبۆی تایتەخت گرتەوە لەلایەن حەوت خۆكوژەوە ئەنجام دراون.
ئەریانادا ویلیانغا ئاماژەی بۆ ئەوەش كردووە، كە توێكاری لاشەی خۆكوژەكان، كە لەشوێنی تەقینەوەكە كۆكراوەتەوە ، ئەوە دەردەخەن هێرشەكان خۆكوژیی بووە و دوو خۆكوژیش لەپشت تەقینەوەكەی هۆتێلی شانگری-لا دابوون .
زانیارییەكان ئەوە پیشان دەدەن، كە هەردوو هۆتێلی سینامون گراند و كینگسبری ، ئارامگەی قەشە ئەنتۆنی لەشاری كۆڵۆمبۆ ، كڵێسای سیباستیان لە شاری نیگۆمبۆ ، كڵێسای زیون لە شاری باتیكالوا هەریەكەی لەلایەن یەك خۆكوژەوە كراوەتە ئامانج .
تائێستا هەردوو تەقینەوەی میوانخانەیەكو شوێنێكی نزیك پردێكی دەوروبەری پایتەخت لێكۆڵینەوە لەسەریان بەردەوامە .
ئەو هێرشانەی سریلانكا بوونەتە هۆی گیان لەدەستدانی ٢٩٠ كەس و بریندار بوونی زیاتر لە ٥٠٠ كەس .
وەرگێڕان: ئاكۆ عەبدوڵڵا ئاڵی