تایبەت بەخانمان.. گۆڕانكارییە تەندرووستییەكان هۆكارن بۆ قژ وەرین

sharpress.net

256 جار خوێندراوه‌ته‌وه

02/06/2019‌

شارپرێس:
قژ هەڵوەرین لای هەموو كەس مایەی نیگەرانییە ، بەڵام ئەم نیگەرانییە لای ئافرەتان زیاترە، شارەزایانی ئەڵمانی گەیشتوونەتە ئەو ئەنجامەی گۆڕانكارییە تەندرووستیییەكان لە جەستەی ئافرەتاندا دەبنە هۆی خێراكردنی قژهەڵوەرین .

ئەو گۆڕانكارییە تەندرووستییانەی بەسەر جەستەی ئافرەتاندا دێت بریتین لە :
سكپڕی: لەكاتی سكپڕیدا ئاستی شەكەتی زیاتر دەبێت ، ئەوەش لای خۆیەوە كاریگەری لەسەر دۆخی قژ درووست دەكات ، بەڵام بۆ خۆشبەختی دوای لەدایك بوونی منداڵ باری قژ ئاسایی دەبێتەوە .

كەمبوونەوەی چالاكییەكانی رژێنی پەریزادە (رژێنی دەرەقی)  كاتێك چالاكییەكانی رژێنی پەریزادە كەمدەبێتەوە ، ئەوەش دەبێتە هۆی كەمبوونەوەی ئاستی هۆرمۆن ، بەوەش كار لە وەرینی قژ دەكات .

گورگی سوور: نەخۆشییەكە پەیوەندی هەیە بە سیستەمی بەرگری لەشەوە ، بەهۆیەوە  خانەكانی سیستەمی بەرگری پەلاماری خانە ساغەكانی جەستە دەدەن و دەبنە هۆی درووستبوونی هەوكردنی ناوخۆیی ، لەئەنجامدا دەبیتە هۆی قژوەرین .

شڵەژانی دەروونی توند: بەشێوەیەكی سرووشتی لە دوای هەموو كارەساتێكی بەسوێ و هەڵچوونیكی توند مرۆڤ ڕووبەڕووی دابەزینی تێكڕای گەشەی قژ دەبێتەوە .

زێدە چالاكی رژێنی پەریزادە: واتە كاتێك ڕژێنی دەرەقی هۆرمۆنەكان زیاد لەپێویست دەردەكات ، ئەوەش سەردەكیشێ بۆ زیادبوونی كێش و تێكچوونی سووری مانگانە و هەڵوەرینی قژ .

وەرگێڕان:  ئاكۆ عەبدوڵلا ئاڵی






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved