شارپرێس:
ڤلادمیر پوتینی سەرۆكی روسیا، ئەو كەسایەتییەی، كە بەدرێژای ژیانی دژی مێژوویی ئەدۆڵف هیتلەری سەرۆكی نازییەكانی ئەڵمانیا بووە، بەڵام خۆی ئێستا بەو ئەو دەچوێنرێت.

ڤلادێمێر پوتین لە ٧/١٠/١٩٥٢ لە شاری لینینگراند لەدەیكبووە، كە دووەمین گەورەترین شاری روسیایە لەدوای مۆسكۆو دوو برای هەبووە بەناوی فیكتۆر و ئەلبێرت فیكتۆر بەمنداڵی و ئەلبێرتیش بەنەخۆشی ( Diphtheria ) مردووە.

دایكی كارمەندی كارگە بووەو كریستیانی بووەو باوكیشی بەزۆر كراوە بە سەرباز و بێباوەڕ بووە، پوتین ساڵی ١٩٦٠ چووەتە خوێندنگا خولیای زۆرانبازی  هەبووە دواتر پشتێنی ڕەشی بەدەست هێناوەو لەساڵی ١٩٨٣ هاوسەرگیری لەگەڵ Lyudmila Shkrebbeva كردووەو خاونی دووكچە بەناوەكانی Mariya putin- yekaterina putina.

لە ساڵی ١٩٧٥ پەیوەندی كردووە بە دەزگای ئاسایشی نەتەوەیی  ڕوسیا و لەوێ بۆ ماوەی ١٦ ساڵ ئەفسەری هەواڵگری بووەو ماوەیەك لەئەڵمانیا ژیاوە و دواتر نێردراوە بۆ مۆسكۆ بۆ زیاتر ئەزموون وەرگرتن‌و ساڵی ١٩٩٠ دەستنیشان كراوە بۆ ڕاوێژكاری كاروباری نەتەوەیی لەشاری  لینینگراد.

هەروەها لەساڵی ١٩٩٧ لەلایەن Boris yelsinی  سەرۆكی روسیاوە كراوە بە بریكاری دەستەی سەرۆكایەتی ڕوسیا تا ساڵێك لە پۆستەكەیدا ماوەتەوەو دواتر لە ساڵی ١٩٩٨ كراوە بە بەڕێوەبەری دەزگای FSB، كە دەزگایەكی تۆكمە بووە  لەڕووی  ئەمنی و ئاسایشی و هەواڵگرییەوە.

لەسالی ١٩٩٩ دەستنیشان كراوە بۆ جێگری سەرۆك وەزیران دواتر ڕاستەوخۆ بووە بەسەرۆك وەزیران بە ٢٣٣ دەنگی پەرلەمان‌و دواتر لەساڵی ٢٠٠٠ بەڕێژەی ٥٣% پۆستی سەرۆك كۆماری وەرگرتووەو بۆجاری دووەمیش لە ٢٠٠٤ بەڕێژەی ٧١% دووبارە بووەتەوە بە سەرۆك  دواتر هەر لە پۆستەكەیداو ماوەتەوەو ئێستا بەردەوامە.

لەساڵی ٢٠١٥ پاڵپشتی  ڕژێمی بەشار ئەسەدی سەرۆكی سوریای كردووەو هێزی ناردووەتە ئەو وڵاتە بۆ دژایەتی هێزە ئۆپۆزسیۆنەكانی وەك "جبهە فتح الشام - هیئە تحریر الشام -حركە احرار الشام - جیش الفتح".

هاوكات ڕۆڵی  هەبووە لە هەڵبژاردنی ساڵی ٢٠١٦ ی ئەمریكادا، كە بەدوور خستنەوەی هیلاری كلینتۆن و ڕازیكردنی كەسایەتییە سیاسییەكان بۆ سەرخستنی دۆنالد ترامپ بۆ پۆستی سەرۆك كۆماری ئەمریكا.

ئابوری وڵاتی روسیای بەڕێژەی  ٧% بەرزكردووەتەوەو ڕوسیای لەپلەی حەوتەمین وڵاتە ئابوورییە بەهێزەكانی جیهاندا هێشتووەتەوە، بەشێوەیەك تا ٢٠٠٥ هەموو قەرزەكانی یەكێتی سۆڤییەتی داوەتەوە و لەساڵی ٢٠١٢  پەیوەندی پتەوكردووە لەگەڵ (WTO - World Trade Organization) .

لەگەڵ ئەوەش ئابووری وڵاتی لەڕووی دروستكردنی كەرەستەی جەنگییەوە پێش خستووە وەك دروست كردنی كۆمپانیای پیشەسازی كەشتی‌و كۆپتەر و چەك و كۆمپانیای گەورەی دەرهێنانی نەوت و جیاكردنەوەو گواستنەوەی بەبۆری برەو پێداوە.

لەرووی ژێرخانی ئابووریش كۆمەڵێك بەنداوی گەورەی دروست كردووە بۆ دەست كەوتنی وزە سودی لێ بینیون وەك ( bureya dam _ boguchany dam ) ، ئێستاش خاوەنی چەكی ئەتۆمەو هەوڵی زیاتر گەشەسەندنی داوە و وزەی كارەبای لێدروست كردووە بۆ نموونە وڵاتێكی ١٠ ملیۆن كەسی پێویستی بە ( ٥٠ Twh  ) كارەبا هەیە، ڕوسیا توانای دروستكردنی (   Twh ٢٠٠ ) كارەبای هەیە.

لەڕووی ئاینشییەوە پەیوەندی پتەوی هەیە لەگەڵ ئیسلامی و جولەكە و بودیی و كریستیانەكانی ڕوسیا و لەگەڵ سەرمایەدارەكانیش پەیوەندی پتەوی هەیە وەك ( Roman Abramovich - lev leviev )،  كە بلیۆنێری ئیسرائیلین.

چەندین جار سەردانی ئێرانی كردووە و لەگەڵ ڕۆحانی دواتر لەگەڵ ئەحمەدی نەژاد كۆبووەتەوە و پاڵپشتی بەرنامەی ئەتۆمی ئێرانی كردووە و وەك دۆست و  هاوبەشێكی ڕوسیا ناویهێناوە.

زۆربەی كەسایەتییە سیاسییەكان و خەڵكی پوتینیان بە دیكتاتۆر لە قەڵەمداوە و بەراوردیان كردووە بە ئەدۆڵف هیتلەر بەهۆی دەستێوەردانی سەربازی دژی ئۆكرانیاو پشتگوێخستنی یاسای نێوەدەوڵەتی لەوانە ( Hilary clinton - David cameron - Mikheil saakashvilli -John Sidney McCain III-Prince Charles .....     )

بەدەر لە سیاسەت خولیای بۆ وەرزش‌و هونەر و كایەكانی تر هەیە وەك (ئەسپ سواری - بۆكسێن - پێشبڕكێی ئۆتۆمبێل - زۆرانبازی - مەلەكردن لە بەستەڵەكە ساردەكان و مانەوە بۆ ماوەیەكی درێژ لە ژێر ئاودا -بەكارهێنانی كەڵەك  - پیانۆ - گۆرانی وتن  - ڕاوكردنی ماسی گەورە - خۆهەڵدان بە پەڕەشوت و فڕۆكەوانی ٠٠٠٠٠٠ )

خاوەنی كۆمەڵێك خەڵاتی بەنرخە لەوانە( Order of Ho chi Minh - Order of Golden Eagle - Order of Zayed - Order of Friendship - Order of Abdulaziz al saud ....... )

ئامادەكردن: داستان خارگێڵانی