ئەپڵ تایبەتمەندییەكی سەرەكی "ئایفۆن ١١"ی لابردووە

sharpress.net

868 جار خوێندراوه‌ته‌وه

12/09/2019‌

شارپرێس:
راپۆرتەكان باس لەوە دەكەن، كە كۆمپانیای "ئەپڵ" یەكێك لە تایبەتمەندییە سەرەكییەكانی "ئایفۆن ١١"ی لابردووە.

بەشێوەیەكی بەرفراوان ئەو قسە و باسانە بڵاوبوونەوە، كە باسیان لەوە دەكرد ئایفۆنی نوێ كار بە تەكنیكی بارگاویكردنەوەی دوانەیی دەكات، كە تەكنیكێكە رێگە بە بەكارهێنەران دەدات ئامێرە بێتەلەكانی تری وەك بیستۆكی AirPods لەسەر پشتی مۆبایلەكە بارگاوی بكاتەوە .

بەڵام بەپێی راپۆرتێكی شیكەرەوەی متمانەپێكراوی "ئەپڵ" مین گشی كیو ، ئەو تایبەتمەندییە هەڵوەشاوەتەوە لەبەر ئەوەی توانای بارگاویكردنەوەكەی لەگەڵ پێوەرەكانی ئەپڵ نایەتەوە.

هەروەها مارك گروومان لە ئاژانسی بلوومبێرگ دەڵێت: ئەو بیستوویەتی ئەپڵ گرفتی لەو تایبەتمەندییەدا هەیە.

تایبەتمەندی بارگاویكردنەوەی دوانەیی بۆ بارگاویكردنەوەی ئامێرەكانی ئایفۆن و AirPods و كاتژمێری زیرەكی "ئەپڵ" Apple Watch بەكاردەهێنرێت لەیەككاتدا .

مین گشی كیو دەشڵێت: هەرسێ ئامێرەكانی " ئایفۆن ١١ " پاریزگاری لە دەرچەی Lightning دەكەن، لەگەڵ ئەوەی ماوەیەكە برەو بەو قسەیە دەدرێت، كە گوایە گۆڕدراون بۆ دەرچەی USB-C.

وەرگێڕان: ئاكۆ عەبدوڵڵا ئاڵی






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved