شارپرێس:
سێ په‌رله‌مانتار سەبارەت به قه‌رزی 27 ملیار دینار له‌سه‌ر هه‌رێم راگه‌یه‌ندراوێك بڵاوده‌كه‌نه‌وه و رایده‌گه‌یه‌نن، سەبارەت بەوەی حكومەتی هەرێم 27 ملیار دۆلار قەرزارە، دەپرسین: ئەم قەرزانە چۆن و بۆچی كراون؟ لەكێ كراون؟ بۆچی بەبێ رەزامەندیی پەرلەمان كراون؟ كامەیە "نیعمەت"ی سیاسەتی نەوتیی هەرێمی كوردستان؟.
هه‌ریه‌كه له په‌رله‌مانتاران سیروان بابان، دیاری ئەنوەر و مەم بورهان قانع له راگه‌یه‌ندراوێكدا ده‌ڵێن: نابێت لە پڕۆسەیەكدا بەناوی "چاكسازیی"، دەست ببرێت بۆ موچەی موچەخۆرانی هەرێمی كوردستان، بەڵكو چاكسازیی راستەقینە، دەبێت لە سەرچاوەكانی داهات و شەفافییەتی نەوت و گرێبەستەكانی نەوت و سەرجەمی سامانە سروشتییەكان دا بێت و دەسەڵاتی كۆمپانیاكانی حزب لەم بوارانەدا نەهێڵرێن.
راگەیاندراوێك لە پەرلەمانتارانی سەربەخۆی كوردستانەوە
دەربارەی پەیامەكەی دوێنێ شەوی سەرۆكی حكومەتی هەرێمی كوردستان، یٔەم راگەیاندراوە بۆ رایگشتیی كوردستان بڵاودەكەینەوە:
1- سەبارەت بەوەی حكومەتی هەرێم 27 ملیار دۆلار قەرزارە، دەپرسین: ئەم قەرزانە چۆن و بۆچی كراون؟ لەكێ كراون؟ بۆچی بەبێ رەزامەندیی پەرلەمان كراون؟ كامەیە "نیعمەت"ی سیاسەتی نەوتیی هەرێمی كوردستان؟ دوو ساڵە حكومەت دەڵێت: قەرز دەدەینەوە، ئایا تایٔێستا چەندە قەرزی داوەتەوە و بەكێی داوە؟
2- نابێت لە پڕۆسەیەكدا بەناوی "چاكسازیی"، دەست ببرێت بۆ موچەی موچەخۆرانی هەرێمی كوردستان، بەڵكو چاكسازیی راستەقینە، دەبێت لە سەرچاوەكانی داهات و شەفافییەتی نەوت و گرێبەستەكانی نەوت و سەرجەمی سامانە سروشتییەكان دا بێت و دەسەڵاتی كۆمپانیاكانی حزب لەم بوارانەدا نەهێڵرێن.
3- داوا لە سەرجەمی پەرلەمانتارانی كوردستان دەكەین، هاوكار و پشتیوانمان بن بۆ یٔەوەی دوای پشوەكانی جەژن، بەرپرسانی باڵای حكومەت بانگێشتی پەرلەمان بكەین و "كۆكار"ێكی پەرلەمانیی لە سەرجەمی فراكسیۆنە پەرلەمانییەكان پێكبهێنرێت و یٔامانج لێی بەدواداچونی یٔەو 27 ملیار دۆلارە بێت، كە گوایا قەرزە و كەوتوەتە سەر حكومەتی هەرێم، سەرەڕای دیاریكردنی یٔاڕاستە ستراتیژییەكانی چاكسازیی راستەقینە لە هەرێمی كوردستان و دەركردنی یاسایەك بۆ چاكسازیی لە سێكتەرەكانی نەوت و داهاتەكانی ناوخۆدا.
پەرلەمانتارانی سەربەخۆ
سیروان بابان
دیاری یٔەنوەر
مەم بورهان قانع
23/ 5/ 2020
