شارپرێس:
دلێر عەبدولخالق ڕێكخەری ژووری ڕۆژنامەوانی بزووتنەوەی گۆڕان دەڵێت: بەڕوونی بە یەكێتی و پارتیمان وت پێوستە چاكسازی ڕاستەقینە لە خۆتانەوە دەستپێبكەن.
دلێر عەبدولخالق دەشڵێت: ئێمە بێدەنگ نابین لەوە یەكێتی و پارتی لەمیدیاوە واپیشانبدەن، كە ناكۆكی قووڵیان هەیە و دۆخی دەروونی و ئابووری خەڵك تێكبدەن و لەژێرەوە شەراكەتی ئابووریان هەبێت.
قسەكانی دلێر عەبدولخالق ڕێكخەری ژوری ڕۆژنامەوانی بزووتنەوەی گۆڕان لە دیمانەیەكیدا بووە لەگەڵ میدیای گۆڕان ئەوەش دەڵێت: ئێمە دەمانەوێت چاكسازی لە گرێبەستە گەورەكانی نەوت و خاڵە سنوورییەكان و بەهەدەردانە زۆرەكاندا بكرێت، نامانەوێت قورسایی چاكسازی لەسەر شانی خەڵكی فەقیر و كەم دەرامەتبێت.
هەروەها دەڵێت: تیمەكانی ئێمە لە پەرلەمان و حكومەت زۆر جەسورانە داكۆكیكارن لەسەر مافەكانی خەڵك و هەمیشە بە دەنگێكی دلێرەوە شەڕی مافەكانی خەڵكیان كردووەو دەیكەن.
هـ ـ ح