شارپرێس:
وەزارەتى ناوخۆی حکومەتى هەرێم دەنگۆی رادەستکردنەوەى هاوڵاتییەکى کورد بە تورکیا رەتدەکاتەوە کە گوایا کەسێک بەناوی ( عومەر بارتان ) خەڵکی ناوچەی تاتوانی تورکیا بە چاوی بەستراوەوە لە سنووری ئیبراهیم خەلیل نێردراوەتەوە تورکیا.
لەڕوونکردنەوەیەکدا وەزارەتی ناوخۆی حکومەتی هەرێمی کوردستان رایگەیاند: لە چەند ڕۆژی ڕابردوودا ڕاگەیاندنەکانی پەکەکە هەواڵێکیان بڵاوکردەوە کە گوایا کەسێک بەناوی ( عومەر بارتان ) خەڵکی ناوچەی تاتوانی تورکیا بە چاوی بەستراوەوە لە سنووری ئیبراهیم خەلیل نێردراوەتەوە تورکیا .
وەزارەتى ناوخۆ ئاماژەى بەوەشکردوە، ئەوان سەرلەبەری ئەم هەواڵە ڕەتدەکەنەوە و ئامانج لەو هەواڵە بۆ ناوزڕاندن و بەدناوکردنی حکومەتی هەرێمی کوردستانە.
لەچەند رۆژى رابردوودا چەند میدیایەک ئەوەیان بڵاوکردەوە کە هێزە ئەمنیەکانى پارتى کەسایەتییەکى باکورى کوردستانیان کە لە هەرێم نیشتەجێبووە رادەستى تورکیا کردوەتەوە.
س.هـ