رێکخەری گشتی بزوتنەوەی گۆڕان رایدەگەیەنێت، دوای پەسەندکردنی بودجەی فیدراڵی عێراق، دەبێت
هەوڵی جدی بدرێت بۆ نەهێشتنی پاشەکەوتی موچە و دابەشکردنی لە وادەی خۆیدا.
سایتی فەرمی بزوتنەوەی گۆڕان بڵاویكردەوە ئەمڕۆ، عومەر سەید عەلی، رێکخەری
گشتی بزوتنەوەی گۆڕان لەگەڵ ئەنجومەنی قەزای شارباژێڕی بزوتنەوەی گۆڕان كۆبووەتەوە
و پێیراگەیاندوون، دوای پەسەندکردنی بودجەی فیدراڵی عێراق پێویستە هەرێمی کوردستان
هەوڵی جدی بدات، بۆ نەهێشتنی پاشەکەوتی موچە و دابەشکردنی لە وادەی خۆیدا.
بەپێی هەواڵەكە رێكخەری گشتی بزوتنەوەی گۆڕان جەختیكردووەتەوە، بزوتنەوەی
گۆڕان هەموو هەوڵێکی تیمەکانیان لە حکومەت و پەرلەمان بە ئاڕاستەی چاكسازی دەبێت.
لە کۆبونەوەکەدا رێکخەری گشتی بزوتنەوەی گۆڕان باسی لەوەشکرد، پێویستە
هەڵسوڕاوانی قەزای شارباژێڕ لە ئێستاوە ئامادەکاری بکەن، بۆ سەرخستنی کاندیدانی بزوتنەوەکە
لە هەڵبژاردنی پێشوەختەی عێراق.