پزیشکێکى پسپۆڕ داوا لە هاوڵاتیان دەکات هیچ سڵنەکەنەوە لە وەرگرتنی ڤاکسینی کۆرۆنا

کوردستان

03/05/2021‌ 363 جار خوێندراوه‌ته‌وه

شارپرێس


سه‌رپه‌رشتیاری به‌شێک له‌ تاقیکردنه‌کانی ڤایرۆسی کۆرۆنا له‌ هه‌رێمی کوردستان  رایدەگەیەنێت، ئەو قسانەی لەسەر ڤاكسینەكان دەكرێت هیچ راست نییە و نەبووەتە كێشە بۆ تەندروستی مرۆڤ، داوا لە خەڵک دەکەین هیچ سڵ‌نەکەنەوە لە وەرگرتنی ڤاکسینی دژی کۆرۆنا


له‌ چاوپێكەوتنێكیدا له‌گه‌ل دکتور ئه‌یاد محه‌مه‌د عەلی، دکتۆرای مۆلکوله‌ر جێنتک له‌ زانکۆی هارتفوردشایری به‌ریتانی و هه‌روه‌ها سه‌رپه‌رشتیاری به‌شێک له‌ تاقیکردنه‌کانی ڤایرۆسی کۆرۆنا له‌ هه‌رێمی کوردستان ده‌ڵێت، نیگه‌رانی خه‌ڵک له‌ وه‌رگرتنی ڤاکسینی دژی کۆرۆنا له‌ زانیاری هه‌ڵه‌وه‌ هاتووه‌ و وه‌رگرتنی هه‌ر جۆره‌ ڤاکسینێک، ئه‌گه‌ر قازانجی نه‌بێت هیچ زیانێکی نیـیه.

سه‌رپه‌رشتیاری به‌شێک له‌ تاقیکردنه‌کانی ڤایرۆسی کۆرۆنا له‌ هه‌رێمی کوردستان وتیشی، وەرگرتنی ڤاكسین رزگاركەرێكە و خەڵك دەپارێزێت لە توشبوون، رێژەی ڤایرۆسەكە هۆكارەكەی ئەوەیە خەڵك خۆی ناپارێزێت و دوورەبن لە وەرگرتنی ڤاكسینەكە، ڤاكسینەكە دژەتەنێكە لە جەستەی مرۆڤدا دروست دەبێت و پرۆتیناتە هەركاتێك ڤایرۆسەكە داخلی جەستەی مرۆڤ بوو شەڕی تەواوی لەگەڵدەكات و نایەڵێت نیشانەی قورسی لەسەر دروستببێت ولە مردن رزگاری دەكات.

دەشڵێت، پروپاگەندە و وەرگرتنی زانیاری لە خەڵكی نەشارەزا وادەكات خەڵك ڤاكسینەكە وەرنەگرێت، جێبەجێكردنی رێنمایەكان وادەكات بەدووربیت لە توشبون بە كۆرۆنا.
باسی لەوەشكرد، زۆركەس هیچ لە ڤاكسین نازانێت و قسەی ناڕاستی لەسەر دەكات، ئەو قسانەی لەسەر ڤاكسینەكان دەكرێت هیچ راست نییە و نەبووەتە كێشە بۆ تەندروستی مرۆڤ.