حكومه‌تی هه‌رێم: پله‌به‌رزكردنه‌وه‌ مافی فه‌رمانبه‌رانه‌و ده‌یانده‌ینه‌وه‌

کوردستان

15/09/2021‌ 1075 جار خوێندراوه‌ته‌وه

شارپرێس:

 وته‌بێژی حومه‌تی هه‌رێمی كوردستان باسی پله‌به‌رزكردنه‌وه‌ی فه‌رمانبه‌ران ده‌كات و ڕایده‌گه‌یه‌نێت ئه‌وه‌ مافێكی فه‌رمانبه‌رانه‌و مافه‌كه‌یان ده‌ده‌نه‌وه‌.

د.جوتیار عادل وته‌بێژی حكومه‌تی هه‌رێم له‌ كۆنگره‌یه‌كی رۆژنامه‌وانیدا ڕایگه‌یاند، له‌سه‌ره‌تای شه‌ڕی داعشه‌وه‌ له‌ ساڵی 2014وه‌ پله‌ به‌رزكردنه‌وه‌ ڕاگیراوه‌و په‌یوه‌سته‌ به‌ پرۆژه‌ یاسای بودجه‌ی هه‌رێم و عێراقه‌وه‌ حكومه‌ت له‌ پلانیدایه‌ ئه‌م بابه‌ته‌ چاره‌سه‌ر بكات.

د.جوتیار عادل وتیشی، حكومه‌تی هه‌رێم وه‌ك وڵاتێكی سه‌ربه‌خۆ نیه‌ بتوانێت قه‌رزبكات، بۆیه‌ ناچارین خۆمان بگونجێنین و پله‌به‌رزكردنه‌وه‌و ماف و شایسته‌ی فه‌رمانبه‌ران ئه‌ومافانه‌یان ده‌ده‌ینه‌وه‌ به‌ڵام ده‌بێت حكومه‌ت بتوانێت به‌ر له‌وه‌ گرفته‌كه‌ له‌ ڕووی داراییه‌وه‌ چاره‌سه‌ربكات.

له‌ئێستادا له‌هه‌رێمی كوردستان هه‌رفه‌رمانبه‌رێك زیاتر له‌ دووپله‌ی لای حكومه‌ته‌و به‌گه‌ڕاندنه‌وه‌ی پله‌كانی و بڕیاردان له‌ پله‌به‌رزكردنه‌وه‌یان پێویسته‌ مانگانه‌ حكومه‌ت به‌ده‌یان ملیار بداته‌ فه‌رمانبه‌ران.

ئ.ق

بەپەلە