توێژینەوەیەکی فینلەندیکە لەمدواییەدا بڵاوکراوەتەوە،ئاماژە بەوە دەکات کە ئەوانەی لە منداڵیدا بەهێزتر و خێراتر و نەرمتر بوون، لەتەمەنی هەرزەکارییدا قەبارەی مادەی خۆڵەمێشی مێشکۆکەیان زیاترە.
بەگوێرەی رۆژنامەی "ئێسکپرێس"ی بەریتانی، توێژینەوەکە کە لە زانکۆکانی ڤاسکۆلا و ڕۆژهەڵاتی فینلاند ئەنجامدراوە، پەیوەندییەکانی نێوان توانای دەمارە ماسولکەکان و گەشەکردنی مێشکۆکە و گرنگی ئەم بابەتە بۆ زانین و فێربوون باسکردووە،ئەو پەیوەندییەش پێشتر روون نەبووە.
بەڵام توێژەران ئاماژەیان بەوە کردووە کە ئەو هەرزەکارانەی کە توانای دڵ و هەناسەدانیان باشترە، قەبارەی کۆی گشتی مادەی خۆڵەمێشی مێشکۆکەیان بچووکترە، ئەمەش دۆزینەوەیەکی دژبەیەک بووە و پێویستی بە لێکۆڵینەوەی زیاترە.
دکتۆر پتری گالانکۆ،توێژەری بەشدار دەڵێت: "توێژینەوەکەڕۆشنایی دەخاتە سەر پەیوەندییەکانی نێوان لەشڕێکیی و مێشکۆکە.. ئەوەش پێویستیی بەوەیە لەداهاتوودا تاقیکردنەوەی زیاتری لەسەر بکرێت کە پێوانەکردنیڕاستەوخۆی لەشجوانی دڵ و هەناسەدان و وێنەگرتنی نوێی مێشک بەکاربهێنن بۆ هەڵسەنگاندنیژمارەیەکی زیاتری خەڵک، بۆ باشتر تێگەیشتن لە پەیوەندیی هۆکارانەی نێوان لەشڕێکیی و گەشەکردنی مێشکۆکە".

ئامادەکردن: ئاکۆ ئاڵی