شارپرێس:
وەزیری نەوتی عێراق هۆشدارییهكى بهپهلهى بڵاوكردهوهو تێیدا ڕاشكاوانه ئاماژه بهپشتكردنه ههرێمى كوردستان دهكاتو ڕایدگهیهنێت، "وڵاتەکەم خەریکی کۆتاییهێنانە بەپشتبەستن بەبۆرییەکانی هەرێم بۆ هەناردەکردنی نەوتی کەرکوک، ئەوەش لەڕێگەی نۆژەنکردنەوەی خێرای هێڵە نیشتمانییەکانو دۆزینەوەی دەرچەی جێگرەوە لەسوریاو ئوردن".
حهییان عهبدولغهنى وهزیرى نهوتى عێراق لهپهیامێكى خێرادا دواى گرژییهكانى دوو ڕۆژى ڕابردوى نێوان ههردوو حكومهتى ههرێمو عێراق لهبارهى ههناردهى نهوت، ڕایگهیاند، "تەنها 100 کیلۆمەتر ماوە بۆ تەواوبونی پشکنینی کۆتایی بۆریی (عێراق ـ تورکیا) کە ڕێگە دەدات نەوتی کەرکوک (بڕی 200 بۆ 250 هەزار بەرمیل لەڕۆژێکدا) ڕاستەوخۆو بەبێ تێپەڕبون بەخاکی هەرێمدا بگاتە بەندەری جیهان".
وهكو وهزیرى نهوت ئاماژهى پێكردوه، بەغدا تەنها سەیری تورکیا ناکات، وەزارەتی نەوت کار لەسەر ئامادەکردنی تەندەر دەکات بۆ هەناردەکردنی نەوت لەڕێگەی بەندەری بانیاسی سوریاو هێڵی عەقەبەی ئوردنەوە، ئەمەش وەک هەنگاوێک بۆ هەمەجۆرکردنی ڕێڕەوەکانی وزە.
سەرەڕای ڕاگرتنی هەناردەو کاریگەرییە داراییەکانی، وەزیری نەوت دڵنیاییدەدات کە بەرهەمهێنانی ئێستای عێراق (1.5 بۆ 1.6 ملیۆن بەرمیل) بەتەواوی پێداویستیی ناوخۆیی بۆ وێستگەکانی کارەباو پاڵاوگەکان دابیندەکاتو قەیرانی سوتەمەنیی دروستنابێت".
وهكو لهپهیامهكهى وهزیرى نهوتى عێراقدا خوێندنهوهى بۆ دهكرێت، ئەو جوڵەیەی بەغدا پەیامێکی ڕونی تێدایە ئهویش، "عێراق دەیەوێت کلیلی هەناردەکردنی نەوت بەتەواوی لەژێر دەستی خۆیدابێتو چیتر چاوەڕێی ڕێککەوتنە سیاسییە ئاڵۆزەکان ناکات بۆ دەستپێکردنەوەی هەناردەی نهوت لهڕێگهى ههرێمى كوردستانو چیتریش پشت بهبۆرى نهوتى ههرێم نابهستێت.
