شارپرێس:
سوپای ئیسرائیل ڕۆژی دووشەممە ڕایگەیاند کە هێرشی ئاسمانی شەوانەیان ئەنجامداوە و سێ فڕۆکەخانەی تارانیان کردووەتە ئامانج و پشتڕاستی کردەوە کە ژمارەیەک فڕۆکە و هەلیکۆپتەری ئێرانی لێیاندراوە.
سوپای ئیسرائیل دەڵێت، دەیان فڕۆکەی شەڕکەری ئیسرائیل فڕۆکە و دامەزراوە سەربازییەکانیان لە فڕۆکەخانەکانی تاران لەوانە بەهرام، مێهراباد لە ناو پایتەختی ئێران بۆردومان کردووە.
دەشڵێت، یەکێک لەفڕۆکەخانەکان وەک ناوەندی سوپای قودسی پاسدارانی ئێران بۆ گواستنەوەی چەک و پارە بۆ گرووپه هاوپەیمانەکانی ناوچەکە بەکار دەهێنرێت.
سوپای ئیسرائیل دەشڵێت: ئەم هێرشانە "بەئامانجکردنی توانا ئاسمانییەکانی ئێران زیاتر دەکەن".