شارپرێس:

دوای بڕیارەکەی قەیس خەزعەلی لەبارەی جیابونەوەی عەسائیبی ئەهلی حەق لە حەشدی شەعبی و رادەستکردنی چەکەکانیان بە دەوڵەت، بافڵ تاڵەبانی هەڵوێستی خۆی لەو بڕیارە رادەگەیەنێت.

بافڵ تاڵەبانی، سەرۆکی یەکێتی نیشتیمانی کوردستان لەپەیامێکدا ئاماژەی بەوەکرد،" زۆر سوپاس و پێزانینم هەیە بۆ ئەو هەڵوێستەی برام شێخ قەیس خەزعەلی لەپێناو پاڵپشتیکردن و بەهێزکردنی قەوارەی دەوڵەتی عیراق و دامەزراوەکانی ".

ئەوەشیخستەڕوو،" لەم قۆناغە هەستیارەدا، ئەم جۆرە هەڵوێستە بەرپرسیارانە، ئازایانە و نیشتمانپەروەریانە دەبنە هۆی بەهێزکردنی یەکڕیزیی نیشتمانی و قووڵکردنەوەی متمانە لەنێوان عیراقییەکاندا، هەروەها هەنگاوێکی گرنگن بەرەو بەدیهێنانی ئاواتە هاوبەشەکانمان بۆ دابینکردنی پاشەڕۆژێکی سەقامگیرتر، ئارامتر و گەشەسەندووتر بۆ وڵاتەکەمان ".