شارپرێس:

دەستەی راگەیاندن و پەیوەندییەکانی عێراق بڕیاریدا بە دەستبەسەرداگرتنی سەرجەم سامانە گوزراو و نەگوازراوەکانی کۆمپانیای کۆڕەک تیلیکۆمدا، داواش لەبەشداربوان دەکات چیتر کارتی باڵانسی ئەو کۆمپانیایە نەکڕن و بەشداری لەخزمەتگوزارییەکانیدا نەکەن.


دەستەی راگەیاندن و پەیوەندییەکانی عێراق لەڕاگەیەنراوێکدا ئاماژەی بەوەکرد،" پشتبەست بە دەسەڵاتەکانمان و لەپێناو رێکخستنەوەی کەرتی پەیوەندییەکان و تەکنەلۆژیای زانیاری و پاراستنی مافی بەشداربوان، هەروەها بەهۆی کۆتاییهاتنی گرێبەستمان لەگەڵ کۆمپانیای کۆڕەک تیلیکۆم، کۆمەڵێک رێکاری یاسایی و دارایی و کارگێڕمان بەرامبەر ئەو کۆمپانیایە گرتوەتەبەر و دەستمان بەسەر سەرجەم سامانە گوازراو و نەگوازراوەکانیدا گرتوە ".

دەستەی ڕاگەیاندن و پەیوەندییەکان کۆمەڵێک چەند ڕونکردنەوەیەکی بڵاوکردوەتەوە، کە بریتین لەمانە:

- سەرجەم رێکارە یاساییەکان بۆ راگرتنی کارەکانی کۆمپانیای کۆڕەک تیلیکۆم بەردەوام دەبن

-داوا لەسەرجەم بەشداربوانی کۆڕەک دەکەین پاڵانسی ئەو کۆمپانیایە نەکڕن و لەهیچ خزمەتگوزارییەکیاندا بەشدار نەبن، بۆ ئەوەی توشی زەرەر نەبن

-داوا لە سەرجەم بەشداربوان دەکەین سیمکارتەکانیان لەناو بەبن و رادەستی هیچ کەسێکی نەکەن، بەڵکو پێویستە لای خۆیاندا بیپارێزن بۆ ئەوەی ماف و بەرژەوەندییەکانیان پارێزراو بێت

-پێویستە سەرجەم کارمەندانی کۆڕەک تیلیکۆم پارێزگاری لە سامان و کەلوپەلی کۆمپانیاکە بکەن، هەروەها داتا و زانیارییە کەسی و دارایی و یاساییەکانیان بپارێزن، چونکە دژەپێکردنی هەر جۆرێک لەو زانیاریانو دەبێتە هۆی گرتنەبەری رێکاری یاسایی لەدژیان.

-داوا لەخاوەنی ئەو ماڵ و باڵەخانانە دەکەین کە بورجەکانی ئینتەرنێت لەسەر ماڵ و شوێنەکانیانە، پارێزگاری لە بورج و کەلوپەکان بکەن و بە هیچ جۆریک رێگە بە کارمەندانی کۆڕەک و کۆمپانیاکانی دیکە نەدەن بچنە سەر بورجەکان