شارپرێس:

پەرلەمانتارێکی پارتی رایدەگەیەنێت، لە چەند ڕۆژی داهاتودا پارەی موچەی فەرمانبەرانی هەرێم دەخرێتە سەر هەژماری بانکی وەزارەتی دارایی حکومەتی هەرێمی کوردستان و دەست بە دابەشکردنی دەکرێت.

شێروان دوبەردانی، ئەندامی فراکسیۆنی پارتیی پەرلەمانی عێراق بە میدیای فەرمی حزبەکەی راگەیاندوە،" بەر لە کۆتاییهاتنی ئەم هەفتەیە پارەی موچەی مانگی حەوتی موچەخۆران و فەرمانبەرانی هەرێم لەلایەن بەغداوە خەرجدەکرێت ".

سەبارەت بەهۆکاری دواکەوتنی خەرجکردنی موچەی موچەخۆرانی هەرێم، ئەو پەرلەمانتارە وتی،" بەشێک لە فەرمانبەرانی عێراقیش بەهۆی کورتهێنانی داهات موچەیان دواکەوتوە و چاوەڕوان بون لە رێگەی داهاتە ناوخۆییەکانەوە پارەی موچە بەتەواوی دابین بکەن ".

شێروان دوبەردانی باسی لەوەشکرد،" بەهۆی داخستنی گەروی هورمز و راگرتنی هەناردەکردنی نەوت بۆ بازاڕەکانی جیهان، عیراق توشی قەیرانی گەورەی دارایی بوەتەوە، ئەویش بەهۆی کەمبونەوەی هەناردەکردنی نەوت بە ڕێژەی 75٪ ".